今日TRACY人搭人咁幫我搵左份補習,係補小二永緩既.
TRACY都唔係好清楚D詳情,所以我要自己打電話去問啦~
我打左去之後,個個人係幫人介紹補習既啫,
佢問我係讀咩學校,我話澳大,
跟住佢就問我以前讀咩中學,我話濠江,跟住佢就停左一陣,
之後又問,我係讀咩科,我話文科,佢又停左一陣,
跟住就話,其實佢MUMMY想搵D英文學校畢業既黎幫佢補,
因為佢英文唔係咁好.
之後我就話,咁係咪即係唔岩,唔岩既話都無所謂,唔緊要.
佢就話等佢問下先,問左再答我,之後佢就收左線啦~
但係個問題就係佢根本無問我電話係幾多號,佢點通知我呀?
唉~我覺得D人真係好膚淺呀~
佢又唔問我而家讀幾多年級同讀咩系喎,淨係問中學讀邊.
我覺得當佢聽到我係濠江畢業既時候,佢有D睇唔起既感覺,
好膚淺呀!!!濠江畢業英文就唔會好架啦咩??
濠江唔會有人英文好架??真係膚淺~!!
所以我都費事講我而家係大四既英專學生,
費事嘥我口水同D咁膚淺既人講呀~
我覺得補唔到呢份都唔係一個損失~
但係都要唔該TRACY幫我搵補習, THX!!!