今日係DR. IEONG 第二個sem第一次睇我上堂。今日未上堂之前我已經勁緊張，雖然唔係第一次畀DR. IEONG observe，但係心情都輕鬆唔到。
朝早八點三我同FANNY就係濠江門口等佢，但係因為今日落雨既關係，佢成八點七先到，真係嚇鬼死我呀~佢黎到之後我仲要跑上教導處拎書同教具，我入到課室講野既時候仲係喘緊氣呀~不過好彩佢係打左上堂鐘就到，如果唔係我都唔知點算呀~
今日個堂overall都ok啦，但係佢話某d部份就好慢，拖左d時間囉~~不過係咁架啦，次次都會有少少瑕疵架啦~
不過，我覺得最開心都係之後個堂，因為係連堂黎既，DR. IEONG走左之後我仲要繼續上堂。我一上堂，我班學生就即刻問「合唔合格呀？」真係超攪笑呀~梗係合格啦，只係好定係唔好啫~之後佢地就話我合格係佢地既功勞，要我獎下佢地，仲話畢業要請食飯添呀~成堂都係係開心愉快既氣氛進行~
其中有段小插曲，就係我教緊關於法國既食物，所以文章有個字係法文，佢地叫我去學法文，再教埋佢地，跟住就有個學生講「係囉，要充值自己呀嘛」，跟住我就講「充值自己？你係IC 卡咩？應該係增值自己」真係勁攪笑呀，全班都係度笑佢，我同MAGGIE都忍唔住笑呀~~
其實教佢地呢班都幾開心架，而且而家同佢地熟左，感覺close d，同埋可以同friend咁同佢地講野同串下佢地，都幾好既~今日MAGGIE仲讚我，話我教書既技巧越黎越成熟，同埋進步左，好開心呀~~!!