一月十七日係阿甘既生日,雖然己經過左兩個鐘,但係我都仲係好開心呀~!因為今年我第一次整一個好好味既芝士蛋糕畀佢呀~

唔知係咪因為同佢一齊咁耐既關係,所以我送禮物都送到無哂新意,同埋都唔知送咩好,所以年年都諗得好辛苦. 今年我問過Kit既意見,佢叫我整個愛心飯盒畀阿甘,因為佢成日都好想我學煮飯,做個賢妻良母,所以佢一定好開心~~但係我對煮餸真係無咩興趣,而且一個人既份量好難煮架嘛,所以我最後都係整左我最鍾意既甜品畀佢,佢有得食之餘我又有得食呀嘛~呵呵~~~:)

我尋晚過左十二點就送個靚靚蛋糕畀佢啦. 開頭佢死都唔肯出房,要我攞份禮物畀佢.當佢見到個芝士蛋糕既時候,佢既反應無咩特別,因為佢以為我係出去買架. 我見佢無咩返應就問佢個蛋糕靚唔靚啦,佢就問:你自己整架? 我就話係. 佢就即刻走出房話要試下啦~真係攪笑~佢勁開心呀~雖然佢唔係好鍾意食甜品,又話個芝士蛋糕好甜,但係佢都好開心,而且佢今日再食個蛋糕之後,佢都話:原來芝士蛋糕都幾好食架喎~~攪到我都好鬼開心!

不過個cheese cake並唔係完完全全係我整架~o係呢度真係要多謝下Fanny同 Graffarn陪我一齊整,仲有要特別鳴謝Graffarn個friend 阿飛, 係佢幫我買材料,教我整,同埋幫我裝飾架,真係好多謝佢呀.基本上我都唔係做左好多野去整呢個cheese cake,多數都係佢做既,仲有就係佢裝飾得個cheese cake好靚,真係超靚~係人都以為係出去買唔係自己整架~真係多謝佢呀!

好啦~o係呢度祝阿甘生日快樂,日日都咁開心!

希望我可以年年都陪到佢過生日啦~!