lee幾日入左長洲同朋友玩,幾開心丫~因為我好耐都冇同d朋友玩到咁顛喇!!

我星期6晚走ge,阿darling陪我行出碼頭呀...講開我生日...我22號生日嘛~咁佢咪話去唱k law!!~ 因為我地每個朋友生日都會去唱k ge~ 佢又話叫埋阿魚去喎!

其實我都想ga...我同阿魚一齊都有一年半啦,但係身邊好多ge朋友都未見過佢ge...就算係見,都係見到佢頂多一兩眼ga ja...真係有點兒那個law...你地成日都叫我多d同阿魚出黎玩...咁之前考試就唔得姐...而家考哂試嘛...咁我梗係想ga啦~ 本來我都有叫阿魚一齊入長洲ga! 可惜呢,佢學校都有camp要攪呀....

頭先同阿魚傾電話講番,我同佢講話班想我生日果晚去唱k.點知阿魚唔想喎...咁我咪諗住之前or之後果日去law~ 不過原來阿魚佢都冇興趣咁...佢唔想去呀....其實我想問好耐ga喇,乜我d朋友好有問題咩?? 咁點解次次叫你一齊去,你都唔多願意咁ge?? 我知道你同我d朋友唔熟嘛,所以冇乜野講....咁但係你唔去識佢地呀,又點會熟喎? 而家係咪對住我朋友會好辛苦丫? 你仲叫我唔好迫你tim...真係冇野講啦...

由細到大,之前ge男朋友都唔係同d朋友熟ga!!所以好小一齊玩咁law...攪到感覺上好陌生咁呀!!!所以我自從同阿魚一齊之後,我上年ge生日願望就係我男朋友可以同我d朋友玩得埋d...close d!可惜今年已經係識阿魚第2年ge生日...我個生日願望仲未可以實現law...>_<~

唔知係唔係timing ga問題啦,我d朋友都好小見到阿魚ge,有陣時同ada佢地出去啦,咁佢地想見阿魚...我開口叫魚黎,佢都唔會黎ge....有時都幾down ga,點解自己個男朋友會咁ga呢??

我覺得我地之間好似差d野咁law...唔識講呀...如果我真係同一個人拍拖呢,我除左會了解佢自己之外,我仲會認識有關佢身邊ge野,佢身邊ge人-朋友!! 我自己覺得lee個point幾緊要ga!!

好似我同阿魚咁啦...其實我好想識多d佢身邊ge人ga...我想識佢d朋友ga!!可惜丫...佢好小會帶我出去同佢d朋友一齊玩ge...可能佢唔鐘意啦...i dunno!!不過我其實係想ga!!! 想識多d你ge朋友嘛...唉...既然你都唔想,咁我都冇辦法呀..>_<~

唔想迫你...但係自己又想喎...shit! 心諗...唔通我想你識多d我ge朋友,lee樣野真係咁辛苦,咁難為你咩? 眼見身邊其他朋友ge男朋友都好玩得埋ga...佢地都冇所謂ge...好似oscar咁,佢同ada同我地都fd ga! 佢今次都有一齊黎長洲玩ge...而且呀,我地每次約出黎食飯,ada到,oscar都會0係度ga!...羨慕死...

如果你真係咁唔鐘意的話....我都唔會迫你ge....唔想你扮野! 我只係想你知道我係咁ge人law...我希望我ge男朋友會同自己ge朋友玩...even熟! 我唔希望到我嫁果日,我老公都唔識我d朋友law.