依篇野07年初就見佢流傳, 睇完依篇野受益良多.

睇完卓悅(653)業績….原來…….


好正
卓悅(653)… 現價買持有半年… 可獲100% 利潤..

首先研究下卓悅既往績:
1. 03中 上市..不足兩個月.. 由招股價1.0 升上去2.0… 年賺四千萬
2. 04年 沙士後, 經濟復甦. 加上推出自由行..年賺五千六百萬.. 股價年尾升上去4.0..較招股價升左4倍
3. 05年 上半年, 賺二千四百萬.. 保持利潤
4. 05年 下半年, 半年竟然蝕六千萬.. 原因係因為憧憬迪士尼開幕效應.. 過份擴張.. 以好高的租金租左多間店鋪.. 但最後迪士尼效應只係一般.. 卓悅開一間蝕一間.. 因為半年蝕六千萬.. 股價插水.. 由4.0 插到落0.8
5. 06年 上半年, 公司進行改革.. 業績改善.. 但仲係蝕1800萬..但係虧損已經有改善.. 股價亦係0.7-0.8徘徊整固
6. 06年 全年業績, 只賺400萬, 轉虧為盈.. 股價終於有起息. 由0.7升上0.95
7. 剛剛內地黃金周. 股價最高再炒上1.25.. 之後回落.. 跌落現價1.01
8. 現價市盈率接近50倍.. 上年又無派息.. 看來不吸引

不過.. 若過只看06年下半年業績………
1.半年由蝕1800萬.轉為賺400萬… 即係下半年己經完全復甦…剩賺2200萬… 計翻全年計.. 當賺4400萬..即係現價市盈率只有5倍
2.03年當年年賺四千萬. 股價2.0,, 卓悅絕對可以升上2.0
3. 莎莎現價市盈率17倍.. 卓悅現價升一倍.. 只有10倍市盈率.. 好合理
4. 卓悅派息一向高. 04年派息1毫子, 現價買, 有十厘息. 05年全年派息0.176, 現價買有17厘息.. 好吸引呢.. 擺係度收息都正啦

卓悅係06年下半年復甦原因:
1.營業額繼續穩步上升的同時, 提高產品售價, 減少廣告支出, 令毛利上升.毛利率由06年初29.5%毛利反彈至36%
2.控制租金成本,將店鋪多餘空間租出, 將蝕錢既零售店改為美容店
3.美容部上半年蝕1千萬. 因為上半年一間美容中心重新裝修為足部按摩中心, 另一間美容中心則搬去原本係零售店的地方, 令營運暫停, 但租金要照付.下半年. 開業後. 美容部已經轉賺800萬.

卓悅抵博原因:
1.卓悅一向願意派高息, 只係上年因為蝕錢唔派息,若果食息一族. 現價買. 將最少每年收十厘息.
2.只要九月公佈業績, 可以維持去年下半年賺二千幾萬. 市盈率只有5倍. 合理市盈率最少10倍. 升一倍絕對無問題
3.卓悅吸收了05年既教訓經驗. 租金控制大有改善, 唔會咁易再蝕錢
4.唔計佢零售批發的業務.當無錢賺(雖然無咩可能). 我只計佢美容部, 上年下半年有兩間店鋪巖巖搬鋪開業已經賺800萬, 估計一年可以賺2000萬, 現價市盈率都只係10倍. 就算唔升.都唔會點樣大跌
5.業績報告中有一段:「租金市場現已穩定下來. 儘管本隻團仍在異常高昂之租金成本下營運 , 惟當現時無利可圖但租金高昂之租約在未來數月屈滿後, 本集團之盈利能力即可望獲得大幅改善.」

風險:
1.租金大幅上升
2.港股大跌, 卓越隨大升一齊跌
3.九月公佈業績, 未能持續佳績

不過卓悅唔係一個估惑公司, 公司願意派高息, 唔呃小股東, 由4.0跌落而家1.0, 若果反彈上4.0, 利潤有四倍, 點解唔博? 之前半年蝕六千萬時, 最低都係跌到0.7, 而家半年賺2千萬, 只係1.01, 抵買啦. 而的確卓悅絕對有能力賺番早兩年既高利潤. 睇番莎莎, 05-06全年賺一億八千萬, 卓悅既營業額係莎莎既四成, 但06年全年只賺400萬, 卓悅解決早前既租金問題困擾後, 盈利將會大幅上升.香港既化粧品公司, 最出名唔係莎莎就係卓悅, 盈利有咩可能相差咁遠, 以卓越既品牌地位, 咁多間店鋪, 點會只係賺400萬?
莎莎卓悅係內地人心中有名牌效應, 將來卓越進軍大陸市場加快腳步, 好值得憧景呢, 而家已經跌到殘曬, 盈利轉虧為盈既時候, 而家唔買等幾時呢?