20th Nov. 2010

今日出發去北海道, 7:05am係機場A區集合, 準時7:05am去到機場, 搵左領隊先, 之後自己去寄行李, 食早餐, 指定時間返去機場閘口等上機.

9:20am機, 原本預計要4個半鐘機, 結果4個鐘就去到, 日本快香港1個鐘, 過埋關上車都係3:00pm左右, 返市區大約1個鐘車程,  第一個行程係狸小路附近既拉麵街. 

意外驚喜, 係車度導遊講有錢派, 每人派1,500 yen, total 3,000 yen. 原來係EGL包既一餐, 比我地自由選擇, 可以去佢地介紹既拉麵店, 又或者可以自己選並它店舖食, 我地唔係好鍾意同人地迫, 所以自己揀左一間入面冇人既店舖....不過隔離團有4個人見到我地入左呢間, 佢地又跟住入, 以為可以包場>.< 


舖頭細細間不錯, 我點左栗米帶子叉燒拉麵, 最欣賞佢隻溫泉蛋, D蛋黃漏晒出來, super yummy, 睇下碗麵賣相幾好, 紫菜都有圖案, 日本人真有心思.

呢碗老公既！

結果食左2,000 yen, 仲有1,000 yen賺, haha! ^.^

最後同老闆影左張相!

之後我地去左附近掃supermarket返酒店食.  今晚住菓子王國溫泉城, 有浸溫泉, 浸左一個萍果溫泉, 好多萍果浮晒上面, very nice!