去到呢度, 要行二百幾級樓梯上黑風洞, 又高又斜, 行到上去真係有點氣喘, 上到去, 見到我地旅行團另外有二個老人家, 七十幾歲左右, 竟然仲快過我地上到去, 而且一點氣喘都冇, 一問之下, 原來佢地係行慣山既, 老當益壯, 真係配服呀!  初時我地仲以為佢地會唔上添!


一路行, 一路驚呢D monkey行埋來, 因為樓梯已經好斜, 我老公又要我提防佢地會過來搶手袋, 顧得望樓梯又顧唔得佢地係邊度出現, 所以我行得好慢呀!


上到去都幾靚幾值得睇ga!


幾宏偉既黑風洞.






之後坐纜車上雲頂, 係呢度大堂等領隊派酒店key.


本來我地團住雲頂係四星, 原本講好細, 但後來又分派到大房比我地, 真係好surprise呀! 因為導遊講雲頂既酒店通常做到好細, 焗你地出去賭場嘛!  仲有聽團友講佢有朋友係永安做, 原來雲頂既酒店係free比旅行社ga, 祗要旅行社帶人上來住就得ga la, 唔收錢ga, 因為佢地主要靠客人上來賭作為主要收入...


房間都好光猛整齊