呢幾日呀~我係咁摺花呀...

今日一早就見到嘉麒啦~我真係好開心呀...因為佢陪我返學,好耐都冇試過啦~因為平時佢都唔制...佢話早得瀉喎~咁我都冇難為佢...但佢尋日自己話同我返,唔係我迫佢架...^^嘻~!!唔知點解今日架車好快...又冇堵車,所以八點九就到左啦~我地落左車之後,周圍行左一陣...點知撞到好多人~佢送左我返學校之後...佢都走啦~

咁我一上到去,佢地個個都笑我...話我咁早就同佢一齊~

之後一上堂,我就開始摺花啦~不過都唔知點解整極都整唔到靚既...整到我勁"憫"
我本來係諗住可以幫亞迪慶祝生日架,不過我又驚佢唔返...所以我就去問下佢聽日會唔會唔返...佢就答我話下朝走...我叫佢留一陣佢又唔制~之後我就好無奈...咁lunch果陣我同亞盈講話亞迪下朝走...亞盈就即刻要亞迪留半個鐘~佢都應承左...食完野我地去左買蛋糕...心情都唔係咁好~諗住同佢慶祝生日...但竟然會係咁...一早諗可以咁做,比一d驚喜佢...不過都因為佢自己心情唔好而告吹...算啦!!

返到學校都係摺花...好悶...好累...