今朝又係勁早醒左，又唔多訓得返。
咁八點幾就起身啦，沖完涼，扮完靚靚，仲「浪」埋衫先走呀！
今日架車勁快喎！十五分鐘就到左大棠路啦！
平時我趕時間個陣，佢又勁慢喎，真玩野！
咁我又早到啦，去左美心度坐陣，向住出面個門口坐，
見到辛辛行過，咁我咪行出大門口囉，原來我地三個都日到喎！呵呵..
而家得兩個鐘唱咋，幾衰呀！
不過冇計啦，鬼叫我想唱咩！
今日得三條友咋，連咪都唔洗爭呀！咁講好似好衰咁tim，我唔係唔想ka hei去！
辛辛個咪壞嫁，搞到辛辛失晒常性呀，好很人驚呀！
唱完之後，又冇地方去喎，去千色行行下，又話去映貼紙相啦！
又冇ka hei 份呀！鬼叫佢要去掃墓咩，又唔係正日。
映完，辛辛又要走啦，淨番兩條友咋！
先十二點幾咋，都唔知去邊好，咪周圍行囉，行完又坐，坐完又行！
坐完kfc，又去M記坐，傾左好多好多野，多到我都未必記得晒！
我地連惠康都行埋，好無聊，不停咁傾計囉，
傾極都仲有野傾既，真係勁呀！