另一套我很喜歡的...
可是我不要粉紅的...
巴比穿得不錯...
可是真人穿就可能有點怪...

短周… 本來是爛睡的! 點知十二時多給吵醒, 不知阿水在拍鐵閘, 之後又狂拍木門… 仲以為隔離屋俾人追數, 點知原來只不過係PCCW追交住宅用戶電話費! 頂~ 幾乎想報警… 真係俾佢嚇死!

同定定去睇printer, 原本都打算買的… 好似好平, 630已經買到3合1的printer! 唸唸下… 都係唸下先買, 畢竟在家要用printer的機會根本就唔多! 送一大堆相紙俾我根本就無意思! 出面晒相都係幾毫子張, 何必浪費油墨呢? 都係唸唸先~

梁生… 依然黑人憎! 黑我憎的人原來可以有好多, 梁生都係其中一個~
零晨一時四十分… 他還在地球的某個角落同小學同學聯歡中…(又是小學同學) 明天仲話返早wor…

有時我真係好唔明... 相約小學同學永遠都可以攞到假… 小學同學一有什麼畢業講座呀… 受洗呀… 又會有假… 同我打一場波就永遠係佢返工前後的一點點時間… 要去街就梗係唔會有假! 幾乎就連睇vcd都book唔到佢咁…原來除左(又)係小學同學約佢之外, 其餘的星期六日永遠都唔知點解mark到假…
大概我是路人甲… 路人乙… 路人丙… 又可能係路人丁…

好討厭現在的生活…
我還有十四個月的時間…
至少我不希望我是帶著愁恨而離去!

1645-2200又返隊… 11月又考PE… 可是今年定左好多…
升級試又來了… 第一次考… 說不緊張就假!
希望下年已經係兩劃啦!

因為過往的事給瑪姬重新勾起...
回憶了很多小時不快的事...

話題沒有終結...
瑪姬問我點解要咁忙...!? 節目要排得那麼密!
我沒有回答她...
事實上我覺得自己好孤獨
回到家只有一個人...
這樣子的生活並不好受...
二十多年來我都一直不愛回家...
令可整天在街中走... 都死不回家的人...
至少街中有很多人在我旁...
至少我不用一個人在寂寞...

這樣子的生活還在持續...
可是新的生活應該要再次展開...
我個期依然排得好密... 我依然在忙...
但我相信應該要活得好好... 才對得住我曾幾何時恨透的父母....