這站L P(卵葩)成了媒體相諍報導的新聞。

　　同時也看了某詩人以此入詩，心內忽然生了足濟感慨...

　　若以市井小民或者鄉土詩看待，遮是誠正常載誌嘛無啥物通好相諍的，毋拘；精差若佇ㄧ寡仔較正式的場面來講，遮著嫌傷過粗魯、不成體統共毋知輕重。而且講的人更昧歹勢咧為家己揣藉口：「者是“下港人”特有的語言文化」，可是，言者豈不知自己的身分敏感特殊？遮敢是欲講予“下港人”聽爾爾？竟以此理由推脫家己的失言，嘛傷過淺想欠點。

　　心想我細漢的時陣，父母雖然毋捌字，閣是山內兜底的作穡儂，世大儂攏毋捌以“粗魯話”教示囝兒序細，阮阿母抑講：毋通教歹囝仔大細講遐的五四三予囝仔學喙尾…唉！職碼，意識型態高漲，是幸或不幸？敢講會使烏白講話免看所在咧？

　　又閣，對“卵葩”兩字嘛有真深的涵義，予我聯想想著職碼的儂，專門術來術去，狗傍主儂勢專門扶儂的“L P”...唉...實在講，話雖然是較“土”不貳過，猶原有伊警世的內涵佮作用置咧！

　　
　　總是，講話愛看場面，飯會凍烏白食，話是袂使亂主彈，一時喝“爽”討好固定族群著好！