2004/8/21

傾ica傾到4點幾先訓
搞到今朝差d起唔到身出去買禮物
點幾鐘去到旺角
同嘉燕左睇右睇 都唔知買d咩好
因為錢銀有限 大家都咁窄
我都唔想有人因為搞生日搞到窮到跳樓死
所以我地就係咁格價!!!
本來有諗過買隻CD比佢
但係MEI MEI又話想自己買比佢
所以我地又繼續睇
最後比我地買到一個又平又靚既米缸
我地見咁平 所以決定我地自己兩個夾就算
唉……廢時比人話我向窮人身上括沙

行完就去左食野
吹下水 預返D野要點買
唉……人人生日都係我同嘉燕搞
但自己個生日就永遠冇人理
真係扒街 都唔知係唔係前世欠左呢班人=.=
打比佢地約時間 但係全部人都唔知死左去邊
激死我呀 冇人一陣買野搵鬼拎呀!
食就識得識 做就唔識做

食完野去左亞嫻屋企HEA
佢亞爸同亞媽好搞野呀
佢老豆係咁叫我地飲野食野
佢亞媽就好似D細路咁
冇野做 亞嫻就叫我地睇我要做MODEL
雖然係睇過 但睇多一次都覺得係幾好笑既~
睇既同時就開始計有幾多人去
同大約夾幾多錢
其實真係50蚊都唔洗

搞完一大輪就去買野
咁岩又落雨 搞到勁麻煩
買左好多野 好Q重呀~
不過得兩個男仔向到 仲要有一個係張昱
真係唔好意思叫佢拎咁多
只好叫亞四拎左最重個袋
其他野都係我拎
搞到入到去亞螢屋企個時係咁手震
不過我都慣架啦~ 為人民服務呀MA>.<

入到去之後 D野都依然得我做
亞WING都有幫既 但係亞四向到佢又行唔開
萍萍佢就行入黎同我吹水睇我整=.=
MEI MEI就係咁又話D野烏JO
唉……處女座既女仔就係咁架啦~
但係點解男仔又唔係咁既??
整整整整一路都冇停過
好難得先可以坐低食野
餓左成日既我竟然向呢個MOMENT食唔落
OH SHIT!!!!咁我整咁多野做咩呀???
真係益晒街坊=.=b

之後冇野做 影下相又同MEI MEI吹下水
唉…早知唔同MEI MEI講
搞到比佢係咁煩住晒=.=
桃咩花年呀……關咩事呀……痴痴地……
搞左一大輪又唔知做咩野
行下HEA下行下又HEA下
就有一批人走左
之後又係行下HEA下行下HEA下
MEI MEI無啦啦打比我問佢到未=.=
妖……叫佢去又唔係為左呢D野
張昱生日我都冇繼架WOO
又係咁比佢問問問=0=
佢肯定係渴到癲左呀

差唔多12點 D人就到齊啦~
影左幾張相 又開始唔知有咩做
我知道亞廷入到一定會有人唔鍾意
但係 咁佢真係識張昱
真係同佢慶祝 咁唔通人地話去我又唔比咩
講唔知點 我會唔會比任何人更加唔知點呢?
所以 我決定出去同亞BEE吹水
咩都睇唔到呀!!!!
吹吹吹吹到熱就返入屋
依然係兩班人分開玩
過左一陣 亞嫻同我講
話唔想車佢地出去 因為佢條仔會吊鬼加呷醋
佢其實之前係咁同佢條仔講話想向到過夜
已經搞到佢條仔火火地
唉……冇眼睇
我知佢地冇錢 唔通我同亞嫻講叫佢唔好比佢地上車咩
希望佢條仔唔會抽後算帳啦

過左一陣D人走得七七八八
佢地見冇野飲所以就去左買酒飲
返黎就玩圍妹~
但我冇玩 因為我要洗野~呵呵~
唔知點解我就係對呢D GAME冇興趣
話咁快半打青島就清晒
大家見餓就煮野食
估唔到 下廚個個又係我>0<
我向到搞D烏冬D野
亞廷又話要整肥牛
結果……其實就唔係佢整得唔好食
只係……佢重手落左好多油=.=
都係食返烏冬算^0^

食完野本來想睇VCD
但係唔知做咩部野變左做黑白色
搞到睇咩都係黑白片
最後大家都放棄了
抖下啦各位!!!

到左朝頭早 嘉燕就走先
張昱就同亞螢個FD 7點走左
亞廷同基哥就7點半走左
我就去左WINNIE屋企訓大教!!KAKAKA!