2004/8/20

尋晚傾icq傾到成3點幾先有得訓
真係傾到好累呢~
不過咁多野講 又好難講得出口話要off
哈~呢d咪叫犯賤lor~

今日自己一個一早過到去
本來亞廷話起身陪我hea
但係唔係咁好啦
我冇得訓 唔等於要人地都冇得訓架ma~
大不了我都有書睇 唔驚woo!
所以我就自己一個去左淘大平台睇書
嗚……又睇左成大半啦~
我相信今晚就可以結束呢本書……
死啦~咁聽日點算……之後點算……
冇野睇好慘呀>.<
winnie一早打比我 叫我唔好睇戲去唱k
但係都冇房!kaka~
所以都係睇返戲算
尋晚一早就講左話睇三更
但係立哥又話唔睇 變左睇小情人
點知佢地出到黎 又話睇返三更
真係o晒咀
不過都一樣啦~ 我兩套都有興趣

今日睇2點場
未開場之前我地係咁講笑
笑到套野就黎開始個時
我地都仲未笑完
幾驚比人鬧呀~
我地係咁講話楊千嬅著個套衫好似向新札師妹入面做“餓”低咁
超爆笑lor 睇住佢個樣
真係一d都驚唔出
更何況套野都唔恐怖
仲要成日有D楊千嬅扮後生既片段 真係囉膽
睇白靈整餃子 唔知做咩佢又係咁整條波“啦”出黎
好難叫人專心睇呢~
不過佢真係好好戲……真係做得好似

其實睇之前我都有d擔心自己睇唔落
因為我知道會有d落仔既鏡頭
的確 真係有好多bb
一個月 兩個月 五個月既都有
我知道我點都要克服
依家得我自己一個 冇人會為我擔心
所以我更加要堅強
BB 如果你真係存在
希望你知道 媽媽真係鍚你架……
只係……我冇能力令你幸福……
我對你唔住……原諒媽媽啦……
我愛你……我真係愛你架……

睇完戲去左加勒比海食野
一路食 因為WINNIE佢又向到
佢同亞廷唔熟 只係同立哥吹水
搞到亞廷勁悶 我自己又累
咩都諗唔到
所以我同佢爆多DEAD AIR~
一講野又講返起D餃子……
唉 我真係唔係好想講呢個TOPIC
有苦自己知啦……
衰就衰左WINNIE都係咁講
唉……真係唔知講咩好……
左吹又吹就吹到5點幾
睇大家冇咩野講
佢地又要出去 所以拿拿聲話走打完場

今日真係好累呀……實左唔夠訓
今晚要好好咁返一教
等聽日可以玩足一晚!!!YEAH YEAH YEAH!!!