2004/8/18

尋晚 同好哥傾左好多野
本來有d野都唔知好唔好話佢知
但係佢又同亞廷咁FD
唔同佢傾又好對唔住自己
所以都係同佢講左
好哥話覺得亞廷佢都係有D野
我問點解咁講 佢話佢好比心機咁幫我搵隻巴斯光年比我
佢話家肥都要 但都冇幫佢搵……
所以佢覺得佢好似好緊張我
好哥問我 有冇諗清楚
我自問當然有啦 唔係洗咩問你
諗唔清楚既話我估我一早就同左佢講添啦!
我未試過對一個人咁主動
以前我就算鍾意人 我會只會等
但係依家既我 真係唔想等
我唔想放佢走 我好想捉住佢 好想好想……
我其實自己都唔明
點解同我一年個件我兩個星期就可以忘記
但同我兩個月既 就兩年都忘記唔到
我問好哥亞廷之前拍拖拍成點
佢話估佢10成都係玩個女仔
玩既原因都係因為我……
佢話佢見過個女仔幾次 連名都唔係好記得
我話玩女始終都唔係咁好
但佢竟然答我 “佢唔會玩你…放心”
佢咁講 搞到我都好唔知點
搵到得一個識尊重我既人……
係唔係應該開心呢?
咁我今次係唔係應該要主動D呢?

今日一早出左去翠屏 等mei mei打比我
我自己一個去左羽毛球場先
睇下書HEA下
今次睇一本古裝小說
唔知會唔會有多次驚人野發生呢?
已經睇左一半 都OK唔錯幾好睇
期待有特別既劇情發生!
到左12點幾MEI MEI先到
等左佢成朝呢~
不過佢唔舒 好慘呀佢
咳到嘔啦~ 返工真辛苦……
同佢食左D野 打左一陣波
又再去食野 佢請我飲紅豆冰呀>.<
我好鍾意飲架!真係好耐冇飲過啦……
唉……似乎我呢一年對自己真係唔夠好
所有我鍾意既野都冇做到……
晒晒D野間比D不知所謂既人
諗起都火呀
食完野同MEI MEI去左睇醫生
我叫佢唔好睇 叫JO.M拎D藥比佢
佢又話要睇過先安心
係既……佢咳成咁……真係睇下好D既……
不過佢睇完之後又窄仔LU>.<

咁就HEA左一日啦~
問下佢星期6點先^^