2004/8/16

今日返學我都知有野要交架啦
其實我都已經諗好晒間guest house要點整
但係都係懶得畫
其實一d都唔難畫
但係就係唔鍾意比人望住晒個種感覺
我唔理~ 交到就得啦~
要畫一陣就畫好啦
我個model都可以咁快做好
我就唔信個guest house會難到我~呵呵!!

上上下堂收到message
睇一睇 =0=係亞廷woo
估唔到佢咁早起身呢~
問佢咩事佢話冇野做想去旺角
我話打比佢佢又話唔好
佢話鍾意send message
雖然唔同台要收錢
但係……是旦啦^^”
佢搞完一大輪我岩岩同佢地食完飯佢就話出得去
所以我都執野閃~
好彩放低左個A3 FILE
如果唔係拎住出去都幾係野!!
今朝拎返學都已經覺得好重啦~
唔通出到去要人拎咩>.<

去到旺角佢話想食野
所以就同左佢去MEI MEI介紹既仙果園食野
好HEA呀MA^^
一路食一路吹水
佢話星期5同MISS食飯
我都好想去呀
但係一黎要錢好貴仔
如果出左去食 張昱生日我驚會好窄
而且仲諗住買D野比張昱
雖然我有留定錢
但都唔係咁好啦~
仲有星期6已經陪唔到媽媽食飯
所以星期5都係唔去啦……
食完野HEA下HEA下都已經3點幾
我地就去左信和 因為我想買POSTER
我本來已經睇中左兩張
一張係天使愛美麗 一張係KILL BILL
KILL BILL就平好多 60蚊有交易
而且好多唔同版
但係我又覺得天使愛美麗個張靚D
不過佢又冇我想要個張 我想要大SIZE 佢得細個隻……
得另一張橙色低有個柯德行塔圖訓向張床個張
綠色個張先正架MA~ 我最鍾意佢個大頭
不過呢張要120蚊 仲要係日版
我留左電話比佢 等佢有個時打比我
希望佢打比我個時我會有錢買佢返屋企同我訓啦~
如果冇既……KILL BILL都係一個好選擇!!
以前一路都唔敢買 因為怕冇錢出街
提都唔敢提話想要
依家就唔洗怕啦!!
佢同我睇完之後 我地又周街行
行左一陣就上左瓊華
點知見到亞潔
一見到佢 就同佢講耀偉啦~
因為耀偉又係因為第二個同佢散左
佢同耀偉都年半啦~
佢同我一樣都係個幾日同人散
原因又係個D 所以傾起特別岩CHANNEL
不過同佢傾左一陣就走啦~
唔阻住佢睇舖啦!!
我地又繼續行行行
亞廷話想睇下鞋 我地入左幾間睇
佢都唔係好睇得岩~
大家都睇過大家D野之後
本來諗住食埋飯先返
但係諗諗下都係唔好啦~
麻麻向屋企 都係返去食好D
之後佢送左我返去 佢都返去LU~

好開心呀~好耐冇試過行街係可以睇自己D野啦~
成日都係陪人睇 一唔係就係咁路過D舖頭
自己都唔敢行入去 怕悶親D人
今日有人肯陪我睇野
真係好開心呀
突然覺得所有平時好悶既地方
都變得好多野睇 好有樂趣呀!!!