呢幾日去左廣州
其實..目的係咩我都吾清楚~~
去搗亂掛...
為左玩掛
為左救濟某人掛...
為左有免費房住掛...

不過...呢幾日都係開心架
雖然當中都發生左一d吾係甘開心ge事...

第一晚
放學之後 等巴士等左半幾鐘
跟住就趕去踏車
但就落雨啦...所以走去買左把傘
但神嫂就問人借左把傘
一開始..點解吾一次過借兩把...(有點蠢添...)
最後…好彩趕到七點半ge車咋
接住…又踏左成兩個幾鐘ge旅程...
到左花園酒店…就見到橙色ge神爺係到接我地啦...
第一時間…我地更係將神嫂交比...hehe
諗起當初…我地"扼"佢話神嫂吾去個陣…
佢把聲真係好hurt...
好似除左神嫂...我地去佢都吾會開心甘…(過份><”)
去到佢地住ge酒店..已經好累啦…成十一點啦
(因為我之前通左兩晚宵呀…)
去到之後..佢地幫我地安排床位…
傾左一陣之後..食左個「人肉雲吞」同排骨湯..
我地就去左沖涼lu…
跟住走左去Elroy間房玩「七級珠」
不過我吾識玩..
有一樣野好嬲...就係無人教我玩
明明人地都話吾識玩...都話未明lo
但係都無人理我..雖然我知..開始之後無人會答我
但我未開始之前都講左我未明架..玩完一級之後我都有講架...
都係無人理我...所以我就走左返房要神爺神嫂教我lo
佢地超好呀...慢慢解釋比我聽...直到我明為止呀...
不過明左之後..我都無返Elroy間房再玩...因為吾想返去
所以就同神爺神嫂玩潛烏龜、接龍、UNO...
之後Koe返黎lu...玩左一陣..大家就訓覺lu
成晚..都訓吾著..部冷氣太凍啦...我著左成兩件衫訓都凍呀
另一個原因係成晚好多「烏蠅」係到談心...
好眼淵呀...>_<”
佢地直到天光先肯訓呀...

結果...第二朝...我地三個女生(我 Koe 米鋪)就走左去隔離房訓啦...
成下午兩點幾先出去食野同買...
哇...狀元坊超迫呀...不過d野真係好平就真..
最後大家都有收獲…^o^
跟住就行路去上下九啦...同之前有d吾同左樣...
再黎就係去踏地鐵啦...黎到烈士陵園行商場...
阿J帶我地去地下個層食野...點知佢就收工..
所以又走返上去食「藍與白」Pizza lo~~
不過吾怕...我地都聽左阿J講果個好搞笑ge真人笑話..
而且D Pizza 都好好食添呀...吾怕好似人地個d甘硬...
食完野...踏巴士返酒店...都成十二點lu...
跟住Koe同Drive爺就落左街買包比我地食...
返齊黎...我地就叫晒隔離房d人過黎玩UNO...
當然啦...係改版ge UNO...輸左更係要罰la..
D 懲罰都幾咩架...
掌上壓加食包、用PatPat寫字、隔袋Kiss等...
不過我都好利害架...無咩點輸...都吾會罰得甘咩...haha...
不過最好笑ge係阿J
佢比我黑住晒HaHa~~仲走去撞頭..係厠所到門
家因神爺神嫂係入面「冷靜」緊…叫佢撞三次...佢傻到一直撞...
記得有一次..我輸左..抽仲某人..跟住神爺即刻幫我咋~~
太感激佢啦~~跟住我抽到Koe，佢大玩拱橋..我隻腳就慘啦...
有一樣神奇ge係...坐我附近ge都係倫少同鵬爺、阿J咋...
但係就無端端有人「吱」我條腰...問佢地..又個個都話無喎...
吾好比我知係邊個玩我呀...吾係就...HeHe

不過都有d事吾係甘好架...
其實情侶間真係好介意自己伴侶同第二個有親密行為架
即使遊戲都吾得...何況神爺呢？
所以...都吾怪得佢會吃醋架喎...
玩到四點幾..個個都好累啦...就走晒去訓lu
不過半夜發生左好多事...就係有人跌左落縫隙到訓
好彩阿J入黎見到拉佢上黎咋...
跟住又見到佢同Drive爺調左位..
Drive仲學人試下跌床ge感覺..(傻架佢)
到朝早...輪到我la~~撞親個頭再繼而跌左落床
嗚..~~>_<~~
嚇親神爺神嫂同Koe、Drive爺...
我扭親條頸~~都幾痛下架...
訓到下就點幾先起身...就去左食飯...
食完飯返黎...Koe同Drive爺「例牌」地去買野..
佢地買左成個幾鐘先返黎呀...超巿係隔離咋喎...
原來佢地話落雨喎...仲去買蛋糕...睇花喎..
不過無人信佢地...家因我地見吾到落雨...係佢地返黎先落咋...
嗯~~咦...有問題..>o<
中途 Elroy、阿J就黎左陪我地
不過Elroy好衰架...送左幾句普通話比我帶返黎...
仲恐嚇我...可惡...><#
到左五點...我地先踏車返黎...
返到黎已經九點啦...點知仲要返學校做報告
救命呀...我成四晚無好好訓過啦...
呢晚係學校做到零晨兩點幾先返家訓...
(謝阿輝成日車我地返家~~)
返到家..一落床就訓左lu...

所以總括黎講…呢次都幾好玩…不過就累左d甘la…



27、28、29/5/2005 星期五、六、日