今個學期初，導師就講到明今年係教育部ge論文抽查年，今年d論文睇得特別緊，話無放水的機會，同時就係呢番說話破滅左我個渡假杭州ge美夢．

一返到杭州氣都未嘆完，就即刻狂嘔兩篇大野出黎，一磨就磨左我一個月，4月進入程式編寫階段，因為上學期輕松完成發送部分，咁我諗住而家做ge接收部分我努力d做應該唔係難事啊，就一心以為之後ge時間無咁緊張，仲突然俾我係4月中同wow再續前緣，懶懶散散咁寫左個程式出黎，因為原理困難，我又唔夠專心，寫出黎ge程式確實好松散，期間其實我都有不斷睇野，書啊論文啊乜都好，但我覺得佢地好似總係收埋晒d野咁，中間d細節總係飛走晒，講几句好行ge理論就俾個結果你睇，搞到我都係似明唔明咁，請教學長先至有返d眉目，導師叫我跟哥個學長係比上學期哥個醒目，我都睇得出佢有料到，但係佢有時太著重想啟發我la，或者係佢想個設計係跟住我原創個思路la，因為我做哥個項目佢地之前已經完成左，我只係經自己手再做一次，又或者係我基礎唔好，佢講哥個d野我聽哥陣都明白，但返到去想實現又好似遇到難點，始終唔想次次煩住人，跟住就自己搵書搵網睇去研究，但多數都係得個吉，有時真係睇到發晒脾4，好多時都會諗，原來我ge實力只係去到呢度．．．．．．

尋日開會，導師想睇下我地ge進度，雖然仲有其他人不知所謂過我，但我以為寫好ge仿真程式原來未夠完善，無加到噪聲同頻偏落去，但我之前明明俾學長睇過話ok架，此刻真係有苦難言，但同時都發現自己對個程式唔深刻，放低左一陣俾導師問几句就好似無料到咁，我索性今日將個程式大修改，重新理清d思路，果然仲係有d地方好矇糊，決定點都搵學長問清楚佢，我無時間再拖落去la．

而家我將4月ge程式修改同5月要完成ge下載程式一齊進行，爭取25前搞掂，然後6月前調試好，用10日再嘔篇論文出黎，導師話15號後答辯，我而家覺得若果程式通過就舒服好多la，嘔d文字都只係時間ge問題者．

p.s. 覺得好攰好辛苦ge時候，就自不然咁諗起妳，總覺得妳支持緊我