2007-04-23 00:31:27小洪
母親大人啊……
媽啊……唔好個個星期都打黎催我搵工啦. 我咁大個仔自己有分數架啦. 工作係我自己ge. 前途係我自己ge. 妳真係以為我唔緊張過妳? 成日話做乜人地可以係澳門做論文. 又話阿邊個已經返緊工tim. 咁妳個仔係讀工科啊ma. 要畢業唔係寫篇几千字論文就算數架. 要做畢業設計架. D野又難. 唔係多得我成日返學校同導師學長佢地吹水我邊鬼識做啊. 叫我而家寄求職信. 甘有消息叫我interview個陣咁我點啊? 我人又唔係澳門. 唔通真係學妳話即刻飛返黎啊? 我知妳講晦氣說話. 又覺得妳語氣怪怪地. 妳又話老豆d生意有問題. 叫妳講落去妳又唔肯講. 仲問我做乜要知. 喂. 我都係屋企一分子黎架wo. 我咁大個人唔通仲想瞞住我d事? 好la. 一早叫妳俾我係大學畢業前考左個車牌佢. 妳又死都要拖到畢業個假期. 咁我返黎個假期又要學車考車又要搵工返工. 妳話將d事迫埋一齊有乜為呢? 咩事都唔信我唔俾我執主意. 隨鬼便妳la. 屋企ge事妳理晒佢la. 我樂得清靜啊.
上一篇：HotHot地的第五周
下一篇：懶惰
(拍肩)這種感覺我了解............
版主回應
出左黎讀大學...最大ge感覺就係習慣左自己生活...好想搬出黎住
2007-04-28 20:31:40
你阿媽真慘,好心你LA,你明知你媽係O甘GE人,佢呀等左4年先可以等到你"就快"番黎,你阿媽一定係有D事想見你先找你GE,你米趁五一番一番黎LOR,又唔係比唔起機票,換轉係女朋友叫你,你一定番,係米?同埋搵工你放心LA,你在澳門就會發現搵工一D都唔難,多又易到不得了,你叫佢放心!你呀,佢可能最近有點唔開心,如果需要我幫忙,CALL ME~
版主回應
我就唔知佢几時變左咁ge人...我假期返到佢佢都自己日日出街架la...佢唔會咁掛我下...佢只係驚搵唔到份好工又比唔上邊個姨媽姑姐d仔女者...希望搵到份好工la...承你貴言 2007-04-28 20:30:42
哂下命先~
老豆叫我唔好急住搵工~叫我玩埋呢两個月先~
於是我決定~六月去埋台灣返黎先搵~哇哈哈~~