尋日班友都癲架!

晚上八點約左阿笑,肥鋒,同膀胱出黎.
我明明約左阿婷落到葵芳電聯,但我打左成七次都無人聽,
決定放棄唔再打,然後我地四個人行下街,但我就覺得似遊魂多d.
無幾耐,終於等到阿婷電話,我地五個人決定出去荃灣食野.

出到荃灣,就去左稻草人食飯啦,之後肥仔都黎埋,我地之前係唔知架.

食完之後,一邊坐一邊傾計.

事緣阿笑,肥鋒,同膀胱下午去左旺角唱k,唔知點解佢地傾傾下竟然即慶咁話,今晚就去唱k,個個都和應話自己無所謂,我就變得無話可說,不過我都有半年無去過唱k了,所以我暗地裡都好想去o既.
但最慘係我無錢都要去,仲要阿笑幫我出住錢先,大家都應該知道月尾係最缺水既時候.

十二點我地準時去到唱k,其實我成晚都唔覺得眼訓,而最早頂唔順o既竟是肥鋒,四時多佢就同阿婷走先,我地四個就繼續唱,但大家慢慢好累,五點半就走了,埋單每位八十五元正,抵呀!

去到大街先發現無車走,足足等左半粒鐘先有巴士.

返到屋企涼都唔沖,洗洗腳就訓了.