坦白講~~我個人本身好似好跳皮~輕佻~隨意...

但係去到某d moment~某d關口~~我真係過唔到...

尤其男女關係~~

其實,都唔係呢幾年ga事~~而係由一開始就已經係咁~~

有朋友說,男同女ga關係,有時就好似貓捉老鼠咁~~不過都唔知邊個玩邊個~~

而我~~一向都唔喜歡做貓~~因為我唔忍心~~~但係我更唔喜歡做老鼠~~因為我覺得好白痴...

以過去的經驗,基本上,唔係迫到埋身~~我都唔會揀開始一段戀愛...

真時~我都覺得自己好變態~~好多好多年~逝去左好多好多個機會~~

反正就係唔想開始~~想咩都唔好改變~~永遠停留係我覺得最正feeling果個moment...其實我只係唔想去接受之後ga變化~~無論係好定唔好~~最好就50年不變~~

早幾日突然諗起~~以前中學時~試過有一次~~應承左同個男仔拍拖~~唔夠兩日我又覺得好後悔~~又無話喜歡~都無話唔喜歡~~無咩特別感覺~~於是個男仔~好迷惑咁~~一段時間之後就消失左~~

又記得~有一個男仔~~真係好好好喜歡~~但係又係唔知係唔係唔係鬼上身~~人地迫得愈近~我就愈想反抗~~於是只好眼睜睜講反話~~最後只係可以祝福佢幸福快樂~~

差唔多ga情況~~我都唔係好記得啦~~

當然~~呢d咁傻ga諗法同咁白痴ga行為到左最後一定唔會得到好結果~

一直雙安無事~~生活安逸ga日子~過左唔係好內~~最近又受到一d沖擊~

我覺得~係主要我去諗清楚一d野~~到底~我需要d咩??我有d咩不足??我應唔態度改變一d態度同睇法??

連串ga問題~係我受到一d沖擊之後浮現左出黎~~

但係我仍然需要面對問題~

關鍵唔在於應該點去做~~而係去感受~我應該點樣摸索呢條路~~

就係因為唔喜歡玩追逐遊戲~某程度上黎講就會失去一定遊戲ga吸引力...但不但如此~

沖擊更為我帶出一個警號，原來我真係唔可以比人煩~~

一日3次~問你食左飯未呀~~落雨啦~~凍啦~~怕唔怕阻住你呀?~~~~我听到以上問句~~我真係覺得好低能~~同埋有種怒火中燒ga感覺~~

然後~我開始懷疑自己~~咩事呀你~???攪咩呀???係唔係有d咩障礙呀??使唔使睇下醫生呀??

朋友都對我說~~小姐~~你想點呀~~唔係問下你食左飯未~訓左未~~咁同你講咩呀??~你想見到人就見~~見唔到人佢就會消失咩??

當然~~唔使朋友質問~我都知道自己唔岩~

但係第一種感覺~~可以點呀??不如搵人催眠我算啦~~我都想簡簡單單做人呀~~救命~~

到底係唔係我問題呢~~我真係成日都反問自己~

但係又真係唔岩feel呀~

身邊好多朋友好似都好為我而急起黎~~~佢地真係為我做左好多野~講左好多野啦~~都係咁~~~~個種心情~~可能同一個不舉ga男人差唔多~~講起黎好似好好笑~~但係其實真係好無奈~~

記憶之中，唔記得邊一年~~識左一個男仔~~佢外形簡直同我高一至高二個時迷戀ga一個男仔一模一樣樣~~

當然好想去識佢~~咁又真係識左~~點知識左~~唉~~又係個d一個模式ga對話~~諗法~~~~~有d咩意義~~你話我知有d咩意義~~於是~~又消失了...

對於此~~由於仍在研究階段~~但係一時之間又唔知搵邊個同佢討論下呢樣野~~講到呢到~~希望今年搵到答案啦~~主呀~~唔好玩啦~~麻煩比d啟示黎啦~~~呀門..