又懶左寫日記啦！
自畢業以後，我的日記都成為左月刊啦！哈哈

＊　九月番學，一星期番三晚學（二三五），今年讀的科目比第一年難左好多，讀Property of Law, Criminal Law and Contract Law。究竟我修畢之後，可唔可以行到條法律大道，哈哈～（我都係想賺多ｄ，好窮）

本來翻譯收左我，都無接受ｏｆｆｅｒ，我份人好三心兩意，我男友超人好了解我性格，話我好易後悔自己的決定，永遠都把持不定，我都唔知點解，我可能係個好多野諗，好多野都會ｃｏｕｎｔ，比較，想知最後得出的結果係點樣。好似翻譯系ｄｅｇｒｅｅ收我，我覺得好開心，我的努力終於得到認同，但我知翻譯畢業同法律畢業，兩個行業，將來好行ｄ．．．係法律。

翻譯員，公司會請港大畢業／中大畢業多，雖然宜家我都成為左「自由翻譯員」，呢ｄ都係好感謝城大個老師看得起我，叫我接法律文件去翻譯，畀錢我賺，當然我都唔想令人失望，我都好努力做呢份自由工。呢樣野已經滿足左我，都無必要去讀埋個翻譯學位。

而法律，我唔知自己適唔適合，但我之前做報紙兩年半，我想轉去法律界試下，唔ｏ岩ｏ既．．．一兩年後我都可以搵其他行業再做，反而係律師行度出左問題，律師行比一般寫字樓奸同人工會壓價，太熟法律的人，會繞路行，如我男友超人所講，我份人太正直啦．．．看唔過眼的野就好想出聲，哈哈！

以前同阿恩，ｆｌｏｒｅｎｃｅ，ｃａｒｌ做同事真係好玩好多，律師行ｏ個ｄ一ｄ都唔好玩，唔太識講笑．．．攪到我成日都懷念以前的日子。仲有兩年我讀完ｏ個個ｄｉｐｌｏｍａ，都年紀唔細，有多餘的錢我真係好想完成個ｄｅｇｒｅｅ，但宜家當務之急，係我要拎一年律師行經驗，之後再轉工，唔係就儲唔到多ｄ的錢，始終自己要番學，我無可能應承接勁多翻譯．．．拎番屋企做，人都會癲啦！

一切事情穩定之後，我就好想約朋友出街食飯。
黎緊９月２５日，我同男友超人拍拖三周年，話咁快就三年，感情都好似無變過，佢依然咁就我，仲要成日好不厭其煩每個月的２５號問我今日幾多號，知唔知係咩日子，一齊幾耐．．．

以前中學時，有個女同學的男友本筆記ｂｏｏｋ寫低佢同女友一齊幾多日幾多分幾多秒．．．好感性啊！當時我仲取笑佢ｏ地，真係好鬼恩愛唧．．．佢ｏ地由中三開始拍拖，聽講宜家都一齊緊．．．

但超人好衰，有時話咩呀．．我ｏ地一齊三個月之ｍａ．．衰到唔係人黎
不過算佢啦．．．９月２３日同我去食ｇｏｄｉｖａ下午茶ｂｕｆｆｅｔ．．
之後１０月２３日我生日，佢成日都苦惱買咩畀我好，決定買袋畀我，個袋好靚，但比較適合去旅行用．．哈哈

同左超人看１４０８．．．超人鬧鬼我，話我迫佢一齊看，今晚實訓唔著啦．．．

１４０８－－－唔係鬼片，我覺得係一ｄ令到個氣氛好緊張、好侷促的電影
１０個星滿分，我會畀８個半
點解無滿分係因為．．有ｄ地方係唔明白，可能有ｄ地方唔講到咁白，比大家有個想像空間掛。

講個男主角自佢女絕症死左之後，就嬲左佢老婆同其他人，話佢ｏ地唔應該成日同個女講天堂神．．攪到個女無求生的意志，仲同老婆分手，失蹤一年，佢轉行做左寫鬼小說，佢想做一個唔信鬼神的小說家．．．佢成日周圍去ｄ聲稱鬧鬼的酒店度住，佢覺得酒店周圍講話鬧鬼，只不過係一ｄ宣傳技倆．．．
想提高自己的生意額之ｍａ．．．

直至佢堅持入住１４０８，一間望落去好普通的客房，點知入左去佢看到同感受到好多不可思議的事情，如見到跳樓的鬼．．．收音機自動開左．．仲有個６０分鐘的倒數．．．見到對面大廈有個男人．．．同自己動作一樣．．最後仲畀人襲擊．．．突然落雪．．．有海嘯．．．見到個女．．６０分鐘完．．又重新ｃｏｕｎｔ過，ｒｅｃｅｐｔｉｏｎ打黎仲話有快速退房服務：吊頸＜－－－

但入面有ｄ野會唔清楚，如通風口有個好核突的怪物一直監視住男主角．．．
最後男主角決定燒左間房，佢伏ｏ係地度．．．畀消防員救番
出院後佢同老婆復合．．．佢老婆拎住個箱，有ｏ個次佢ｏ係１４０８時．用過的錄音機，佢播番出黎．．．竟然錄到佢同個女對話的聲音．．．之後就完

個男主角一直都接受唔到佢個女已死的事實．．．
我估１４０８的中心思想．．係．．．一直畀ｄ考驗、主角的過去．．．佢爸爸．．．佢女的死．．．要房入面ｏ既人去面對克服，．．．不過我真係好有興趣，如果１４０８係有中文版的小說。

＊＊　記住去看啦！

ｐｓ
開始行街看衫，係見到出長袖．．咁快轉季？