今日係星期五～８月２４日＊＊

一直一直都好希望入到翻譯系讀學位，城大終於畀左個ＯＦＦＥＲ我！
但正如超人男友所講，ＴＩＭＩＮＧ唔Ｏ岩，同埋呢次收我，下次一定都會收我，宜家讀緊法律副學士，讀完有錢錢就繼續進修，哈哈！已經浪費了好多時光，要好好加油！

我係個好怕份工悶Ｏ既人，我鍾意有挑戰同有難度的野，但人愈大，就開始諗穩定人工唔會點ＯＴ的工作，哈哈！都唔知自己Ｏ岩做咩，淨知道我阿嬸話我辛苦命，有條事業線，代表我可以坐到高高，但要好辛苦咁爬。

估唔到第一份譯的文件，會有人讚我譯得非常好，連對方都忍唔住講句估唔到，咁又係我只不過係高級文憑翻譯畢業，可能之前Ｏ係星島工作，日日都看報紙，對自己語文有幫助掛！？又接多兩份文件要翻譯，以字數計人工，所以都幾好賺，連對方都話我做ＦＲＥＥＬＡＮＣＥ人工可能同普通正職人工差不多，不過，好難做到吧！哈哈．．．．要有精神去譯野好難，我成日譯譯下走去看台劇。

呢年開始，我已經沉迷左台劇，之前就係勁看台灣的綜藝節目，真係好笑過香港，香港太作狀啦！呢排看緊鄭元暢同埋五熊主演的「熱情仲夏」，真係超讚！超棒！哈哈～超人勁怕我提起台灣藝人，話我見一個愛一個。

我今次日記的相就係用左五熊，頸有少許長，眼大大，長得都幾可愛！令我諗起ＦＩＯＮＡ　ＳＩＴ！！～

熱情仲夏～（ＳＵＭＭＥＲ　Ｘ　ＳＵＭＭＥＲ）
鄭元蜴－歐陽累　同埋　五熊－夏芽
講高中校園生活
累係個高中學生，但副職係模特兒，不過開始討厭模特兒呢行。
夏芽都係個高中學生，傻下傻下，成日發白日夢，同轉校生美女成為朋友，見到佢細佬－累一見鍾情。
哈～仲係第一集累飲左酒去走去鍚夏芽！
之後發展，累慢慢發覺每次最緊要最關心佢Ｏ既人，係夏芽，每次都為左佢而出頭都係夏芽，慢慢累發覺夏芽Ｏ係佢心目中估一席位，兩個仲Ｏ係聖誕節鍚鍚成為左男女朋友．．．．
之後結局點樣，大家去ＹＯＵＴＵＢＥ打熱情仲夏就有整套台劇（１２集），好好笑！

鍾意鄭元暢的朋友一定要看！
另外呢排留意過「我的秘密花園１／２」，套劇有少許長～入面林依晨係個好野蠻的女仔，成日打打鬧鬧。對個個男仔都唔友善，說話粗魯，有個男仔真心鍾意佢，做左好多野都打動唔到佢，直至最後～個男仔知自己可能就死，決定失蹤，林依晨先知自己鍾意的人係佢。

當時，台灣Ｏ個邊太多人替男主角不值，導演就開左「我的秘密花園２」，講四年後林依晨同兩個好友大學畢業，一個就入娛樂圈，另一個入左汽車公司做企劃，而林依晨就不斷咁換工作，哈哈～而男主角Ｏ係上一集知自己病，做手術失敗，成為植物人，因佢朋友的努力，終於醒番，但林依晨接受唔到．．．
呢四年大家都變左，究竟係咪仲合得來？？就定左個協議．．．一年內男主角要賺到一百萬同埋畢到業，第三樣就做到前面Ｏ個Ｄ先講。

後來發展．．．林依晨決定去法國讀美術四年，男主角叫佢唔好放棄理想，其實心底擔心林依晨會唔會番來！～四年後，林依晨番到台灣．．．見到好多樹都掛了黃絲帶．．．
林的朋友帶她去到一個地方，男主角正努力掛緊絲帶，希望林依晨早日回來。男主角見到林依晨就話．．我已經賺左三百萬．．．我大學畢到業．．．第三樣係咩．．林依晨好感動咁講第三樣係．．你由現在到將來可以一直愛我嗎？
（整劇完）
好長篇．．．呢

哈哈～廢事超人話我唔提佢

就係咁Ｅ提下佢啦！
海關筆試仲未有消息，我好好好想佢考到入去，至少人工高福利好，最重要的係出面打工做１０年．．．先會有呢個人工，我呢Ｄ先天不足，點考到入，我體能好鬼差，做唔到海關，我都希望超人諗清楚畢業出黎第一份正職做咩，對將來好有幫助，好易就無左一兩年光陰．．．
不過個衰豬都唔多聽我講野，哈哈～仲成日話同美國女仔出去食飯，正一找死！

ＰＳ
食屎啦