＊～好似好耐無寫日記

不過～時間好似密密麻麻咁，一二番學其他日記要ｏ係公司努力學習，學校方面，功課呀～各樣都清晒啦！終於可以放暑假。哈哈！仲要同芝加兩個華仔迷一齊ｏ係肯先生食野慶祝。仲要講下是非，最近我班有個男生愈來愈不知所謂，又自大又無粁到，仲要著淫賤拖，聽聞著得多會生骨刺～佢仲要成日唔關佢事都開口窒頭窒勢，真係好討厭～

終於可以短暫唔駛見ｏ個條粉皮啦！

番左個多月律師行，慢慢都適應佢地好鬼忙的節奏，工作量大，所有野都屬於急的～加上我無經驗，好多野都靠自己搵資料，先做到，同事太忙，都好難搵到機會發問，哈哈！我上司黃律師叫我做妹妹，話我年紀少年資淺，成日話妹妹，係時候教你野啦！對我好好，其他同事都好主動同我傾偈，我都承諾我阿姐會做三年，我希望ｏ係呢三年我會學有所成，我比院長優勝的地方，他日我唔想做律師行，搵番其他公司，請我的機會比請院長大，佢都未做過其他公司．．哈哈～

自己都擔心院長走後，自己應付到所有野？？
今日聽到黃律師同阿姐對話，應該之前一直提開個項目可能９月開始進行，我記得阿姐好似話ＣＥＯ要我負責呢次項目，仲爆笑．．到下星期四有ＬＡＮＤＬＡＷ講座，我收到個ＭＡＩＬ話ＣＥＯ指名一定要我去講座上堂，上到８點～但ＯＵＴＬＩＮＥ講的野超多，都唔知係咪八點可以閃人．．

＾＾　（攪到好似見超人少左咁）
如果學校個老師叫我遲下做埋翻譯，可能會更忙，但我真係想賺下Ｄ外快，幫補下。

薔薇之戀　＜－由Ｓ．Ｈ．Ｅ．加鄭元暢做架
劇情都幾吸引
講ＥＬＬＡ係個外表好平凡的女仔，佢男友嫌佢醜樣而同佢分手。
番到屋企，同佢相依為命的婆婆又突然因病去世，連樓都畀人收埋，無家可歸的佢，執拾野時，發現左一封信，原來佢係大明星個女，仲有埋地址，佢就決定去投靠呢個阿媽啦！

Ｏ個間屋～住左三姊弟加大明星媽咪，個個對外表矮肥加醜的ＥＬＬＡ都好冷淡，仲當佢工人咁用。哥哥係個混血兒的靚仔，家姐係個外表冷豔的美女，細佬係個長曲髮個樣好俊美的鄭元暢，佢單戀自己的哥哥。
而ＥＬＬＡ對住佢Ｏ地三個，更加覺得自己好唔起眼，．．．劇情講落去係細佬發現自己先同ＥＬＬＡ有血緣關係，而哥哥本身無，兩兄弟同時都愛上ＥＬＬＡ．．．但阿哥一直都記掛同自己有承諾唔會愛其他人的女友（已死），而細佬一直都陪住ＥＬＬＡ，保護佢．．．．好ＳＷＥＥＴ啊！

我叫左超人幫我搵呢個台劇，真係好看，看完呢個應該會看轉角遇上愛啦．．．
哈～超人早前同家人去左買禮服，佢家姐１０月就結婚啦！～
果然價值高＝ＣＵＴＴＩＮＧ好，平時見佢去ｉｔ試，都覺得佢著呢ｄ好難看，竟然早前ｏ係屋企佢西服外套畀我看，有少少修腰，好ｆｉｔ身～不過佢未買到恤衫，我就真係唔知自己著咩．．．

呢排想電番曲把頭髮．．．哈　但星期日看大老鼠ｗｏｗ
唔知點分配時間好

ｐｓ
超人代我想法子