一早起身,目的地是屯門,因為要做翰林學院的展板呢.經過一個早上,釘到手都軟,想話有人望兩眼都好啦!但點知...得小貓三四隻,無人o黎睇,悶到我o地死!難為兩個老人家同義工太太.一齊o向到變"菇菇".最後悶到四點半,收檔,日頭打釘,收工就起釘,幾乎連隻手都比埋佢,最慘只有我一個做,差點連中心部車都搭唔到.
返到穗禾苑,上樓睇o左一陣間波就出旺角,因為要去取楊千嬅CD,取完CD,在信和行陣間,買o左兩本漫畫,阿麟同穎思手拖手的到步了,因為我約了他兩食飯嘛.我建議o左去稻香食,是關我想食"椰皇燉雪鴿糕"呢!真的好好味,好好食呀!一路食一路有一種好滿足的感覺哦~~不過這餐飯好貴呀!三個食打邊爐,食o左成四百幾蚊,都唔知點計數,仲話九點後特價添,以後去稻香食晚飯,都係小菜抵食.
又係人家比錢,真的十分唔好意思,仲好唔慣呢!是關平日慣o左AA,下個月我一定要請返佢地食飯啦,但我想我只可以請佢兩個,是關我真的好窮困呢!...一於去瑞士餐廳啦,我好想再去食呀!!