今日是假期的最後一日,但我好似無放過咁......

假期都要人早起身,真的取我狗命,那些麻雀友有無道德和常識o架!今日係假期呀!10點未夠打去人o地屋"冷"醒人,簡直變態~!結果就係這個搵阿媽打牌的電話,將我從睡夢中吵醒.
因為前日同媽咪飲茶飲到"到喉唔到肺"o既關係,使得我"茶引"大起,於是今日就同o左細佬和媽咪過沙角飲茶.但為何過到沙角?係因為中心會員推介話個到又平又多o野食,所以我就去試o下.去到坐落,發現這兒真的好多o野食,味道都可以,到o左找數,計落又真係幾化算.好o野,以後禮拜六日多個飲茶好地方了!
飲完茶,同細佬行返過新城市打o左陣機和逛o左陣書店,就返歸繼續我的大掃除,我又係執到成12點呀,但只是處理好我另一個書架和我堆模型(所以間房靚晒),不過還有電腦檯同個廳未郁,我想要星期六再繼續了.而在執o野過程裡面,睇返過去讀書時代o既o野,例如有自己畫o既畫啦,手工啦,剪報啦,同埋...週記和信o既手搞(內裡有好多我作o既詩),hehe...內容寫D乜?秘密!!

明天又要開工了...努力!

明天有條數到期無錢交,要打去銀行同人講可唔可以延期交呢!!

睇到阿麟佢地咁開心,我又係講同一句--"好羨慕"呢!原來佢o地上o左去大佛呀,早知叫佢o地帶埋我去,因為我真的想再去多次拜觀音娘娘,再問(求簽)一次我的姻緣(即係究竟我同阿怡有無可能),觀音娘娘真的好準,上次的她說中了.所以我一直都想再去一次,但奈何無人陪我去.我真係好鍾意阿怡咕......

今日穿短褲出街(平日落樓下唔算),感覺好特別,是關好耐好耐無試過了.但為何會穿上?因為近日天氣和阿媽關係,兩條牛仔褲都未乾.我又唔想穿西褲和運動褲喎,所以就穿了它.而平日我唔穿短褲出街的原因,就係伯比人睇我又短又肥的毛毛腳呢!!你話平日同朋友玩,去宿營個d都無問題,但出街喎!"依~",唔知點咁!!