媽咪,母親快樂呀!!

今日早上起身梳洗完,我並不是第一時間去霸位飲茶,而係去o左上網呢!是關細佬妹都未起身,媽咪做完o野又走番上床訓.我剛上網就與到穎思,同佢傾o左一陣昨晚的事...幸好下午知道她兩無事,我都開心D.

傾完計,煮o左個麵食,就往City聽talk去了,我好準時去到呀,幾乖呀!之但係...我上o左一半就走o左了!是關今日聽talk個到好鬼死"焗",加上坐o左個不停咳的"太太"向隔離,所以我唔走唔得呢!加上今日佢講的主題我以往都聽過,所以我不想浪費時間,走去PageOne搵書做功課,但結果都係搵唔到,我要再回沙田商務搵,hehe,今次被我搵到了!

買完書,取過部工程車,我就回家了,因為今年的母親節我們在家慶祝呢!舅舅和婆婆都有o黎呀!而就在我返到屋企,剛入房換衫時,部手提突然響起,我拿起一看,無顯示o既?心裡覺得奇怪,不過咁o緊係照聽啦,但點知電話傳出來的聲音原來是"思詠"呢!嘩~~我好開心呀!好朋友打長途來搵我呀!!思詠話我知佢最近好忙,忙於準備回香港呢!回香港呀!返o黎香港畢業呀!好o野!!她下星期六就回香港了!!(^_^)佢今次返o黎該會留一段時間,或者會試o下係香港搵o野做.希望她成功啦!!真係好開心呀!過多一個星期可以見到思詠,我有成兩年無見過佢了!!

傾完電話,要開飯了!今晚好正呀!有鮑魚食,又有聖子添,好味好味!全是爸爸&媽媽一齊煮o架!大家都食得好開心.食完飯,我o地一齊圍在電視前面睇了"我的野蠻女友"vcd,真的好好睇,好攪笑之餘又帶點溫馨.睇完我有點感觸,我想如果我有個女朋友就好了,就算好似女主角般的粗魯也沒所謂,因為有人肯要我都好了!!

華華今日比電話告知我五月廿幾號後先可以去探BB呢!真是擔心他們了!!