一連兩天沒有寫日記添.

1/4/02 "家庭日"
早上起身,在家打o左陣間機,就飛奔去了荃灣,因為要去媽媽近來最愛的"滔香"霸位飲茶呢!今天要開多個位喎.因為叫埋婆婆去呀.另外今次也是爸爸第一次去滔香飲茶,是關爸爸最近好少有假放,又或者佢放假時,我不是去了上學就是要開工呢!飲完茶,我o地三兄弟妹例牌走落樓下的運動服裝店瀏覽,是關這兒有不少我們"利物浦"的東西賣呢!hehe...我差不多去o親都有收獲,今次給我們發現了一件上兩季的作客球衣呀,價錢重非常的底添,做o緊特價呀!正!!我和弟弟二話不說就決定買下呢!
買完波衫,突然接到華華的電話,係約大家夜晚出來食飯呢!既然戲就睇唔成,食飯都殺啦!(註:我約人睇戲,約成人o地去睇,但自己就無去,是關佢地揀o左套我唔係咁想睇的呢!)食飯時傾得好開心,例牌"鬼殺咁噪",拆o左人o地間鋪,是關有我o地"5A同學"係到想有安靜都幾難.HAHA...今晚阿青正式帶她的男朋友出來了!HEHE...所以阿青當然成為我們的目標呢!阿賢哥仔(青BF),心痛嗎?HAHAHA.......鬼叫你是新來新豬肉咩!!

2/4/02 "上學??"
放o左四日假,又要開工了!四月呀!四月呀!對於老人中心的CA來說可以說是悲慘的月份,是關很多工作要做呢!!救命呀!!
今日下午和王姑娘回了總堂上"電腦堂",但點不知...唉...!!咪鬼浪費我o地寶貴的時間啦!!(>.<)派三繍notes然後跟注讀喎,咁不如直接派o黎我o地中心,叫我o地自己跟注"督督o下"咪得囉!
離開了屯門,就出旺角正校(OU)上堂,我例牌一路上堂一路打瞌睡,一來奔波o左成日倦啦,二來"她"真的教得好悶呀!名副其實"依書正說",我都曉教啦!但這些都算了,她今堂竟然好話人o地抄書!救命呀!大學生多是天下文章一大抄o架啦!加上佢這樣的教學生,叫人點會唔直接抄書o丫!?(註:我不是直接抄書,我是有技考抄或抄完加註解出處o架!還有我是認真做的,有自己"偉論"o架!)
放o左學,給莫先生放飛機!真過份!!

3/4/02 "兩枝公"
今日開次鬼死咁多o野做了,但最慘係成朝N咁多個會員來交費!結果害我計一條數足足要用九個字時間呢!我明天一定要捉鍾太入o番寫字樓擋注D會仔!!
陳生昨晚約我今晚行老旺(旺角),所以我今日收o左工趕完去大會堂取過粵曲飛,就飛出去老旺會他,本來是陪他買波衫的,但結果變o左是我買呢!不過好正呀!又是特價品呢!我o地好耐無兩枝公出老旺了,所以一路行一路傾o左好多o野,真是開心!
明早要一朝早回中心工作呀!