昨天是星期日,對很多人來說是去玩,同休息的日子,但昨天對我來說......卻是天昏地暗的...因為,我要趕功課!昨天我真的是破大會記錄,由早上八點坐在電腦面前,坐到夜晚八點,足足十二小時,嘩!簡直人都癲,我已前真的從未試過.經過一輪馬拉松式的趕功課,終於比我"幹掉"它了!一做完,當然第一時間飛出黃埔,在死期前將功課交到老師的信箱...真是開心!(^_^)

昨晚利物浦贏o左,繼續高據磅首!又係開心!(^_^)

而前一天呢,即係星期六,hehe...好開心,好好好開心,非常非常好開心,就係同阿怡影相!影什麼相?結婚相?hehe,我都想,希望遲D可以同佢一齊影啦!但咁究竟影乜?其實係影她的畢業相呀!那天我以最高規格,即係穿上我的"單吊西",帶埋我一早為她預備好的大大隻SNOOPY畢業公仔,走去城大.同埋一班朋友同阿怡影畢業相,雖然我同佢單獨影的不多,但有機會影都已經好好了,這是使我開心之一,而令我最開心o既,其實係因為我送給她的SNOOPY公仔呀!當時她一見到就已經好開心,話個公仔好大隻,大過邊個邊個o個隻,星期一要帶去唔知邊到比人睇,話要威過人o地喎!當時我見到佢好開心,好鍾意,攬實SNOOPY的那個甜樣時(甜樣是指阿怡),我的內心不知幾開心,直頭開心到從心裡面笑出來.因為只要使到阿怡開心,我就好開心o架啦!真係好開心,我都唔知點解今次我會咁開心,可能大家覺得我都傻o既,咁都開心一餐.但我真的唔知點o既,可能...呢種就係"愛"掛!!

希望阿怡會晒o番份相比我,還有阿思都會燒o番隻碟過我,等我可以永久保存.阿思,就算從碟晒o番張相出來要多貴都好,我都要晒呢!有阿怡...有阿怡同大家,有阿怡同我影的相喎,多多錢在我心中都無所謂!(^_^) 真的好好好好好好好好開心呀!

今日收o左工,借o左本哈利波特比阿青,希望她都會好似我咁睇到著了魔啦!因為"他"真是一本好書,所以我先咁熱烈推介比大家.借完書,之後一枝公去學校圖書館搵書,因為又有兩份功課等注我了,我非努力不可.救命呀!功課呀!有人可以打救我嘛!?(*~@)

呀!還有一事,就係我今日向麥噹噹因為換唔齊公仔,竟然第一次要搵o番阿怡找一隻SNOOPY比我呢!HEHE,平時都係我搵比佢,但今次竟然係我要搵她幫呢!不過我真的沒搵錯人,她真的有換多一隻,多O左我換唔到個隻.咁究竟係邊隻?咪就係SNOOPY穿畢業袍個隻囉!我都估阿怡會有多,是關佢星期六影相時,有一隻拿出來玩,她同我一樣那麼喜歡SNOOPY,拿得出來玩就證明她家還有一隻先會咁做,如果唔係...實收埋!今次真的THX阿怡呢!!(^_^).而o黎o緊星期五,我一收工一定要飛身去買下一套先得了,以免又會漏一隻呢!

今晚講o左好多了,下次再見!