唉~挨了幾日,終於可以休息o下.不過,其實是另一個辛苦的開始...
今早並不睡得太遲起身,9點幾就醒了,梳洗過後,第一時間就是"理財"."糧頭等於糧尾"這句話沒錯,經過左計右計一輪後,依舊"無錢剩",真悲哀~~~
計好晒,出門口了,交交交,朝貢完各大小銀行,"萬能叔叔"和"小超人"後.就和媽媽去食午飯,食飽飽了,就講bye bye.一個人走去上環的西港城,睇模型巴士展,但我傻傻的在紅磡座101過海,本來已知在該站下車,但都落錯,因為我驚落早左,結果要行返轉頭呢!! 睇完展覽,買了想買的兩隻關於70年代巴士的vcd,就離開了. hehe...今次我醒目了,走過對面的港澳碼頭總站,給我找到了109.可以直去何文田,可以去我計劃的第二站----公開大學. 走去做乜?借書囉! 借來做乜? 又要趕功課了!!真慘~~~ 因為死期近了!
借完書,就約了阿思回沙田食麥記,然後Pinky都o黎埋,座多左陣,傾o下講o下,之後就歸家了!

阿怡到了法國一星期了! 正因為她在那兒,近日我特別留意和法國有關的一切,不過不知是否是有湊巧,剛才收了一個朋友關於法國人接吻技巧的url,害我擔心阿怡會不會同那些法國人........nono,不會的,阿怡不是隨便的人!!我又亂想東,亂想西了!! 真的掛注阿怡呀!!

吾寫啦,要睇vcd了!