今早帶著沉重的心情返工,因為仍在想去旅行的事,但點知返到中心,見到塊告示板上寫的,我就什麼都唔洗煩了,因為我現在邊到都唔洗去,可以留係香港…點解?因為塊板上面寫注3月9日(星期日)要開全日會喎…本來想注7號10號取唔到假,星期六取個半晝,有兩日去澳門到好啦!但當我一見告示,我什麼地方都不用去想了.我真的好唔開心呀,本來以為可以同老友一齊去玩番兩日,但現在……阿Mon知我這情形後,即時比左個見意我,叫我星期六照去,至多星期日搭早船回香港呢!我左想右想,這樣都好啦,但我不會第二朝搭早船,而是星期六晚搭尾船回香港呢!不過我始終都係唔開心,因為我覺得都係掃老友興呢……
而就在我極唔開心,兼且趕時間去屯門的時候,竟然給我遇上一見我不敢相信,甚至認為不可能發生的事,就是給我在穗禾苑的麵包廊前面,見到阿怡!!!!!!我最初個刻真的唔相信自己的眼睛,甚至懷疑自己睇錯,但當我再行近o的睇清楚,那真是阿怡呢~~!!那時我更係即刻上前相認,並且問阿怡為何係到(穗禾苑)啦,但阿怡就用一貫對我的態度答我,話我知：「我向到買麵包囉~~」(我真的被佢氣壞),佢咁搭,我唯有連隨問她係咪o黎o左蕭漢森(我的母校)做,佢話係呢!嘩~~佢這一答,真的使我興奮莫明呀!我開心到真的暈向到咁制,甚至開心到跟注唔知講乜好,並且走左出麵包廊門口游來游去……暈完之後,我有同阿怡講約食飯o架,但點知佢話食飯都無時間,日日都只有幾個字食o野呢……佢咁一講,我只好話用下次再傾做完場,而她亦急急腳的離開麵包廊,回學校去…….我一直望注佢o既背影,直到佢完全消失在我視線範圍,我才望向第二到.
直到現在我都真的不敢相信這是真的,阿怡同我的距離突然變得這麼近,日前我還要在梯口窗前遠眺阿怡的家,現在我們卻每天相距不過百米…但這真的只是「距離」,因為我們的關係還是和以前沒有兩樣,我們仍是相距十分遙遠…...但是由今天起,我決定要來一個改變,是關人家常說一句「近水樓台」,現在我正好有了這點,之不過我不會像從前的魯莽,我今次會小心翼翼,一步一步地行事,慕求要做到最好,甚至是志在必得……就算明知這場是敗仗,我都一定會打下去.
今天讓我在穗禾苑遇到阿怡,我不知這是不是緣份,又或許其實是天意弄人,要使我更加悲悽……但我知道今天的相遇,一定有著緣機,但這緣機內藏的究竟又是什麼呢?我真的不得而知,但我這一刻就是知道,我一定要好好把握這次機會.
我突然有一個奇想呀!如果我是在唸小學時就已經認識阿怡,我們現在會係點o既呢!!