13/2/03 "爸爸生病呀"

早上突然收到爸爸的電話,話我知他正在回家途中,原因係他覺得十分唔舒服,要回來睇醫生呢!我聽到爸爸咁講,就叫佢小心o的,睇完醫生後就盡快歸家休息...而我掛線後,亦第一時間打比媽咪,話比佢知爸爸唔舒服,而媽咪一知道亦第一時間打比爸爸呢!經過醫生的診斷,爸爸原來是感冒呀,他起碼要在家休息一兩日,不能開工哦.其實這樣也算好事,因為可以讓爸爸休息o下嘛!
今晚收o左工,要出上海街考試,考門球教練試呀!本來我唔洗考呢個試o架,但因為22號晚要開工沒有出席一堂理論課,總會要我用考試來代替呢!!無計啦,點都要去考,不過我沒有溫書,實行考天材波,原因係無心機啦,二來就係有o的o野本身都識,所以懶得去溫,亦因為咁,我驚我會唔合格呢.考完試,一個人逛o左陣街,然後走o左去食煲仔飯,是一間用炭爐燒的煲仔飯呢!好有風味的哦!不過始終無銅鑼灣的荔芋煲仔飯咁正.食完飯,係時候返歸了.

14/2/03 "情人節......快樂?"

又是情人節了,26歲的情人節,又是一個人,深愛的人離自己越來越遠,自己仍是什麼也做不來把她拉近......
今年亦如以往一樣,不能向心愛的人表達愛意,眼看人家可以為愛人送上花束,為愛人花心思去慶祝,向愛人表達愛意...但自己卻...其實我真的好想可以像別人咁做呢!!但係...我最盡都只能用手機傳一個短訊,鬼鬼鼠鼠的向她道出那三個字...但今年連傳這三個字都比不對!是關蕉蕉話我連這個三個字都唔應該講喎...其實我都知我做什麼都一定會使她唔開心的,但我真的難淹我對她的愛意,我真的很想把自己對她的愛全數釋放出來......但我連愛人的權利也沒有......韻怡,我真的好鐘意妳,好愛妳o架~~~~

情人節......快樂?

又是要在夢星雲,用我的愛與夢,為她送上祝福,並向韻怡說一句:我愛妳,永遠的愛妳......

在此祝願天下有情人,情人節快樂!!