又是一篇綜合日記,不過係一篇"生日"的綜合日記.是關我由8號開始就有朋友為我慶祝生日了!

8/2/03 "生日bear bear"

是日星期六,是長週,要返工呀!不過我舊年就安排了節目,就係搵蕉蕉佢地o黎我屋企玩呢!但其中祖迪個對唔得閒o黎,結果只有蕉蕉同麟摩o黎咋!而我o地本來約好打牌o架,現在人腳唔齊,只好改為食飯飯同行街街......而就在我們食飽飽準備回家睇相的時候,得知媽媽原來也回家,因此我們的麻雀耍樂活動可以恢復了!就再開檯打牌前,我比o左我o的相蕉蕉佢o地睇呀,蕉蕉睇完之後有句話我好記注o既,就係佢話已經知道我鍾意邊類型女仔,hehe...妳咁講就要幫我搵個啦!睇完相,係時候開檯了.我地打o左4圈牌,戰果係...哈哈~~我o地兩個男仔贏o晒呢!而蕉蕉就係大輸家!!不過我們沒有計錢,蕉蕉都唔洗傷.打完牌,睇完波,我同蕉麟,還有媽&細佬,一齊去了陳根記打邊爐呢!食完都已經是12點半了.
而今日除o左係約出o黎玩之外,另一件事就係蕉蕉同麟麟為我慶祝生日呢!我最初都唔知o架,係向食午飯的時候,蕉蕉同麟麟送禮物比我時先知.不過我的慶祝可算是馬拉松式,因為由食午飯收禮物,打牌前拆禮物,及打牌後食蛋糕,由朝到晚的慶祝呢!!
我今日真的好開心,因為有蕉蕉同麟麟你兩同我慶祝,多謝你兩的bearbear(G點BEAR BEAR~~正),雪糕車(好事成雙),茶葉,同埋蛋糕呀!還有最緊要係妳兩的"心"呀,是關這一樣已經是使我最感動的了!

9/2/03 星期日,沒有特別事情,納悶的過,但可以休息一o下.

10/2/03 星期一,無乜特別事發生,但有一個好消息,就係我可以讀番書了,因為是日收到學資處的信,通知我話那筆數已經批o左呢!!好o野,可以繼續學業,不過我希望下次可以自己交學費就好了.

11/2/03 "生日邊爐"

是日有不開心的事情發生了,但不便在這裡提......而這不開心的心情到了收工是時候要放底了,因為收o左工要去Miss屋企拜年同埋慶祝我的生日.
今次去Miss屋企拜年的圖書館老友記不多呀!連埋我都只係5人咋!是關我約得比較遲呢!=P
Miss今晚為我們準備了打邊爐呀!可惜天氣凍唔切,如果唔係就更有風味呢!打完邊爐,到o左慶祝的時候了,今晚又有蛋糕食呢!不過見到這個蛋糕似乎最開心的係青楊仔(Miss個仔,今年3歲),因為有他最愛的生果在蛋糕面呢.亦因為咁,今晚的慶祝似變左慶祝青楊仔呢,但就係有青楊仔的可愛,今晚的慶祝充滿了笑聲.
好多謝Miss妳的水晶Snoopy呀!正的好靚,我好鍾意呀!!

12/2/03 "生日"

多謝,Elaine,蕉蕉,陳生,Grace的來電,多謝妳們的祝福呀!
今年的生日,又係自己一人過......早上,同婆婆&媽媽飲茶,飲完同媽媽行o左陣,就去打機同買模型油,但點知沙田o的油唔齊,結果返到屋企都唔可以開工砌...那麼只好做家務,然後就自己弄犇犇麵吃,吃完就睇vcd...十分的悶(唔係套戲,係我個人)...而到了晚上食飯,還要吃人家的"口水味Å"呢!!
其實我真的好想正日生日有一大班朋友一齊慶祝,又或者可以有埋心愛的人一齊慶祝,最好當然同女朋友啦,但係...卻什麼也沒有.
現在感觸的心情,加上接近情人節,心情真的十分重,年年如是......所以,生日都唔一定開心......因為似乎被人遺忘......"妳","妳"為何沒有搵我o既.(=()