22/1/03 "肚兜(二)--團年飯"
個晚是舉行團年飯的大日子呀!以往沒有緊張的我,個日下晝不知為什麼緊張起來,已經無咩o野做o架啦!真的唔係好明.我個晚其實沒有負責什麼重要工作做,只是負責跟車,攝影及上台扮o野o者......那晚的團年飯,在大家看來是十分成功的背後,其實遇到了不少麻煩o野呢!其中就係出現了一個麻煩人,見到他的出現我已經心知不妙,果然......,不過暫時是擺平了,希望他下次不要再在我中心出現.
麻煩的不想提了,講o番開心o既!當晚我的肚兜舞表演反應真的不錯呀,使到全場的人笑過不停,事後好多人都叫我下次再表演,尤其係我中心班老人家呢!哈哈,睇睇點啦!
另外在我出場之前,發生了一段小插曲呢!話說我未出場前,已經向幕後穿好肚兜帶好假髮等出場,但就我等待的期間,竟然有一個部長走去我隔離o既魚缸到"網魚",救命呀!那時候剛剛乘o番我一個人向幕後面,我又唔可以行出o黎避佢(因為我怕比大家見到我的"可愛扮相"),我真的嚇到傻呢!那時我只好成個人另轉面用塊布幕包注個頭來避開條魚呢!我另轉面一路係咁震,是關我真的好驚,我等o左好耐都唔咁另番轉面呀,直到有同事返o黎我先敢另轉面,那時我已經驚到面都青埋,出晒冷汗了!我真的十分驚"魚",如果有人要對付我,只要用"魚"就行了!!
成晚的團年飯可以叫做成功,因為三間中心一齊搞始終有一定的難道,起碼在參加者的眼中是成功的!不過我們有很多亂和做得唔好的地方,真的要檢討,就我個人而論,今次我有不少失敗的地方,下次真的不可再錯.
今晚為了團年飯沒有去上教練班的堂呀!希望總會唔會因為咁而釘我牌啦!!
肚兜,當我每次看到就有一種心情,一種思念她的心情,想起她的微笑,想起她那風趣的一句話...阿怡...我真的深愛妳.

23/1/03 "加人工呀"
經過一晚勞碌的工作,到第二朝先識倦,先識得周身痛...唉~~真苦命,大家已經忙了一整晚,第二日還要繼續忙碌的工作,真的可謂一句:"換食艱難".不過辛勤的工作始終有回報o既...因為...我有得加人工呢!下午正式從老細手上接過堂的一封信,裡面藏著了我的跳Point信,不過今年我沒有即時拆開,是關我知道今次加完無耐就會減,因此我沒有什麼特別興奮的心情去開...亦因為咁,我留到同陳生去完街先回家將它打開,當我打開一睇,我的興奮特然走番出o黎,因為原我的人工已經加到...呵呵,雖然可能這數字維持好短暫,但都叫我可以開心一陣子呢!
是晚收工陳生約了我食飯,是關他要幫公司去買電器送禮,陳生今晚真的豪了,一口氣買了一部數碼相機同一部MD+MP3機,總值四千幾蚊!好正o架構!不過就無佢份~~~.
終於等到部平治同平頭寶出場了,還有郭生的新作,呵呵~~一口氣的全部帶o番屋企真爽,仲要係唔洗比錢添!(原因係之前比晒)好o野!
今晚輪到蕉蕉的團年飯了,知道佢亦搞得成功,真的替她高興.不過佢就好啦!忙完第二日有假放......

24/1/03 "旅行"
今日又係忙碌的工作,完全沒有停手,但我完全沒有因為咁想停下來,反而有一種好想快o的清理佢o既感覺,這種感覺已經有一段時間沒有出現在自己身上了!!
傍晚時份比o左個電話伯伯,他當時已經身在旅行社,他最後決定同我同細佬在那四天紅色假期返大陸旅行,目的地是就中共第一個叛亂根據地"井岡山"一帶旅遊!哈哈!!一個高舉青天白日滿地紅旗,仍以中華民國為正統的我,竟然願意跑到中共政治色彩濃烈的地方去,原因全都是我對歷史的喜愛,我雖然痛恨中共,但我是讀歷史的,我一直所追求的就是去"體現歷史",而體現歷史的其中一個方法,就是走到歷史發生的發生地,來一個親身的了解,因為不是只單單的鑽進書本裡就可以認識歷史.我要去認識中共,我要從歷史中看透它的醜陋,看它怎樣的壯大,看它用的什麼是技倆,我要從了解它而去使它崩潰!!!!嘻嘻,不過始終是旅行,去遊山玩水,我當然會抱注輕輕鬆鬆的心情去玩,放鬆一o下自己.我會記得大家的手信呢!!(^.*)