當離開寫字樓的房門,就有一種自由的感覺,呼吸的空氣也是無比的自由......因為,今天"她"在中心.

收o左工,本來約o左陳先生一齊出旺角的,但點知佢臨時要加班,所以我只好一個人出.我今晚的行程和星期一完全一樣,第一站是油麻地,但係就無o左蕉蕉陪我了.我先去豐明取了可愛的利物雀同背囊後,就一個人行入廟街睇衫同去食煲仔飯,我去番星期一個間,叫了一個飯同蠔餅,好味好味,不過再好味都只拑雜注一種味----孤獨味.見到對座的一雙一對,再望對面檯一個個"麻甩佬",我好驚第日變成佢地咁,做一個孤獨麻甩佬...

食完飯,飽飽的,於是就步行去旺角,當係食飽散散步.行去旺角前,終於買到暖粒粒的蔗汁飲,好好味哦~如果凍o的o既天氣飲仲正呀!!行o左一陣,到了旺角,先係去了信和,買了TWINS最新出的演唱會DVD,正!!然之後就行去買中心o野.買多兩個壘球同墨水.跟注就走人lu.本來以為今日唔洗點洗錢啦,殊不知買齊o野行去搭火車前落o左去地底商場,訂了一套公仔,嗚嗚~咁又一百了.最後返到沙田,打o左舖機就歸家去了...就是這樣,獨行俠的一天就是這樣渡過的.