今日"她"去了開會不在中心,大家可以放鬆心情的工作,多好哦!

今晚收工約了Sylvia去廟街食煲仔飯,不過去食飯之前好激氣,因為我趕頭趕命的趕去油麻地豐明銀行打算取贈品,但點知出到去佢竟然話無貨!!我一聽到真的好嬲,是關無貨就咪鬼出信叫人去取贈品啦!我專登向九龍塘坐的士出去o架嘛!!!禮物取唔到,就帶注一肚氣去地鐵站等Sylvia,好在Sylvia未到o者,我可以用時間消消氣.
今晚我同Sylvia去我食開那間煲仔飯,叫o左個腊腸雞飯同埋煎蠔餅,還有炒芥蘭,味道一般啦!本來食完想去"掃街"o架!但點知又係有"狗仔隊"出沒,所以無得掃街lu!!
食完o野,同Sylvia傾o左陣,然後一齊買糖水,繼而送她搭車講bye bye.因為她要回家做功課呢!bye bye完我一個人沒有即時返屋企呀,因為我要過旺角買運動會練習用的器材,是關明天就是中心運動員的第一次練習,難得今年中心有錢,所以一於唔浪費,買番o的器材比運動員好好練習呢!買齊器材,去了田園買了幾本書同埋向街頭買點小食後,就歸家去了!