25/10/02 "失眠"
可能因自己擔心下面主任會上o黎o既關係,所以昨晚成晚都眼光光訓唔著,左思右想自己的前景...最後要成3點幾先訓著呢!亦因為失眠,所以今日開工無晒精神.
晚上在中心看了"快樂在途上",一套不錯的法國電影,最精彩係有"裸女"睇哦~呵呵呵呵......其實套戲係講二次大戰時一條群酋太村民逃亡的故事,蠻有趣的.

26/10/02 "開心火鍋"
今日收o左工,沒有去探嘉軒呀,是關個人無乜精神,差點連夜晚的節目也唔想去,但想起應承了蕉蕉,還有自己也想過海去崇光睇火車,所以照去啦!
我沒有探BB,因此時間充裕,所以選搭了170過海,結果真的可以磨到5點過到海呢!一個人行上崇光,去到賣火車的櫃位,嘩~~有7折呀!發達了,但可惜身上無錢,是關糧尾呢!要留待星期一出糧才可以去掃貨了!
睇o下睇o下,蕉蕉同麟麟都o黎埋,於是我們轉過地點去了行宜家,然後等埋祖箨佢o地o黎就去食飯.行完宜家,祖箨同莎莉都o黎埋,我們一行五人就去打邊爐,我o地打得好開心呀!屈呀麟食晒o的o野啦!"猜情尋"爭菇菇食啦...幾好玩!可惜只有兩個鐘頭食,兩個"生積"的男生食唔飽之餘,還好似未還玩夠呢!不過更可惜的是我要走先呀!因為我要趕番屋企睇波,兼且自己有o的頭痛,因此非走不可.(再加上我無晒錢,我食飯都比唔夠呢!=P下次要比番阿麟)
好在場波有我返去支持咋,我們利物浦贏2:1,繼續可以高據榜首.
見到蕉蕉同麟麟,祖箨同莎莉都一雙一對,自己真的十分感觸,夠竟自己有無人要呢!?我真的好想有一個向自己身邊,但是......我的愛根本就一文不值.我真的有想過下次仲出唔出去好呀!人o地個個都一雙一對,突o左自己一個出o黎......

27/10/02 "執o野"
星期日,可以睡到11點,真係開心.
今日沒有什麼節目,同媽咪&細佬飲完茶就同媽咪行街街,所以今日亦沒有去探BB.行完街街返到屋企都成5點了,睇vcd又唔係砌模型又唔係,結果我選擇了"執o野",將自己房的書檯&書櫃同埋門口成大堆o野執番整齊.最後要成10點先搞點,清理o左五大袋垃圾出來呢!今晚又失眠呀!!

28/10/02 "過海"
好o野!!阿高終於返o左香港了,佢話明天會把我托她買的"利物浦戰衣"等物品帶去中心給呢!嘻嘻...真係好開心呀~~~~
今日收工約o左莫先生過海,因為我要去崇光買火車呢!呵呵...七折呀!七折真的十分抵買,咁o既價錢真的唔知邊處搵!買完火車,就同莫先和他的一個friend四圍逛,是關莫先生要買東西哄女仔呢!不過佢都係揀唔o岩,三條友仔最後行o左過灣仔街市食大掛檔呢!我都係第一次去那兒食飯.在行過灣仔時,我發現舊年去食美味煲仔飯的茶餐廳仍在,真的想搵次再去食呢!食完飯,我一個先走,因為我要返沙田80M試新車呢!