今日是一個值得高興的日子,因為今日收工一家大小出了律師樓簽紙,正式將層樓轉去另一間銀行,每月可以慳番成千多元了!!真的可謂鬆一口氣.不過我仍有點問題,就是現金回贈及火險方面,前者如果沒有就慘了,因為我是問Miss借注周轉的,一收到那筆回贈就即時還比人,雖然人家講唔等錢用,叫我慢慢還,但我應承一收到錢就還的,我不能失信呀!我現在最驚真的無回贈呢!而那個火險,不知銀行係咪送埋,如果唔係就又要比錢買了.

搞完層樓,一家人就去了行街食飯,最近好少咁樣了.我們一行五人先去了球迷世界,兩兄弟一齊買了利物浦新的練習球衣,好正哦~~!然後就去標記食打冷,好好味的苦瓜煎蛋呀!食飽飽後就逛波鞋街和"掃街"(即買街頭小吃).一家五口悠悠閒的渡過了一晚上,好開心呢!!(^_^)