今日一起身,左面腰部對上的位置出現痛楚,個種痛法就好似抽筋抽痛o左咁,起初的時候痛到動彈不得,到後來先好少少,但郁一郁都痛;我從來都無試過咁,以往早上腰痛都只是痛一陣間,無好次今日咁痛足成日,痛到依o家......

今早原本想做埋份會議記錄的,但這一痛害到我什麼也做不到,只能呆坐椅上.到中午時候,我覺得好少少了,就比電話陳生約實3點半在信和等.我本來唔想去的了,因為實在好痛,但我昨晚約了陳生,無法啦.就算唔係約左佢,我係咪都要出九龍,因為我在去旺角前,要先去了尖沙咀星光行,是關我要搵一o的同通訊有關的圖片光碟,用來做堂資訊博覽展板的呢.hehe...好好彩給我搵到一隻,再加上昨晚上網搵到的資料,明天該夠料做展板了.
買完碟,坐巴士去旺角回合陳生,逛o左陣信和和去了兵器窖,在兵器窖,我們又發現了不少"滄海遺兵",價錢十分抵,所以我們每人又花了幾十蚊買"兵器"呢!在兵器窖逗留o左差唔多成個鐘後,陳生就帶左我去一間專賣簡體子書的書店,我之前未去過的,但我這陪人去的,結果在這兒買了本書,他自己反而買唔到呢!我買的那本書好抵呀!用130蚊就有彩紙彩印兼有三百多頁的硬皮書.如果這書是香港或台灣出版的話,就一定不可能用這個價錢購得到了.買完書,都成6點幾了,是時候回家了.

今晚本來想開工做緊o的中心o野,但因為仍然好痛,痛到個人無晒精神做呢!

大陸淪陷53年了......