今日起身,帶起眼鏡,往窗外一望,竟然給我看到一道"彩虹"呀!好漂亮,好漂亮呀!但它維持的時間不耐,當我叫醒弟弟即刻睇時,它已經消失了!!

今日要出黃大仙上電腦堂,但又遲o左出門口喎,於是行路落火炭搭火車,爭取時間,在行路途中,我打o緊電話比大舊找他"幫手"的時候,個天忽然落起大雨(但有陽光),雨實在來得太突然,加上我剛講電話無手取傘出來,於是弄得成身濕晒.這場雨我覺得很有意思,因為下雨時正是大舊答應幫我忙的時候,他的幫忙正正就是我的"及時雨".我覺得老天是借這場雨來"應"我那一刻得到朋友幫忙呢.

已往都去過黃大仙上電腦堂的,但結果今朝都係要左搵右搵先搵到,不過幸好無遲到.今次我去學的是"PowerPoint",一樣好多人都曉用o既o野,但小弟竟然不懂,haha...真係失禮.今日上堂共分兩節,上午教o既o野原來我都已經識的,就係處理圖畫和公仔,真悶!所以我用o左佢部電腦來上網呢(:P)!但到o左下午,我唔咁做了,因為個Miss終於講我今次來上堂想學o既o野了,就係學"放片",原來好容易的呢!但最衰這個是初班,無教"會郁的公仔".我更想學是這個呢!到了四點九,落堂了,我在附近食o左碗雲吞麵就回沙田,打o左兩舖機和行完書局就歸家去了.我在商務發現o左一本講"綠海龜"的書呀!但我無即時買,因為我想出o左糧先買呢!

最近常常得到好朋友的幫忙,我李俊釗今日話過,當日後朋友有什麼困難,在我能力範圍內幫到的,我定當全力幫忙,以答謝我一班好友們現在的仗義幫忙!因為我媽媽教我做人要"得人恩果千年記".今日人o地幫過我,日後人o地要幫忙時,我一定會全力幫忙!!