島鄉台文工作室自1997年成立到今，17冬來以推拺台語文學成做唯一宗旨。自1998年到2004年出刊《島鄉台語文學》攏總31號。前到今，因由主客觀因素，干焦出版本人三本著作。這陣起，本工作室佇能力範圍內，會相連紲出版其他台語文學創作者的優質作品。

　現此時，已經有熱心人士捐款，成做本工作室頭一筆出版基金。期望閣較濟台語文學的支持者，會當以小額捐款來成做阮出版台語文學冊的基金。所有粒積的基金阮攏用佇印刷相關費用佮郵資方面，編輯事工由本人陳金順義務擔任。（本出版基金無包含出版本人著作）

　阮知影佇重建台灣文化的行列裡，阮的氣力真誠有限，會當付出的干焦是台語文學的創作佮推拺，阮會當回報支持者的，只有一本閣一本的台語文學冊。

　假使恁無相棄嫌，願意支持本出版計畫，請到就近的郵局填寫郵政劃撥單。口座：19131748，戶名：陳金順。請註明「島鄉台語文學出版計畫」，勞力！

　有任何問題，請聯絡：wagi.siraya@gmail.com。