近排睇左兩套戲 ,1.「魔間傳奇」,2.「AVP2」
兩套戲都唔錯,我比較鐘意AVP2多D,因為有追開..但關「識睇戲與唔識睇戲」咩事?其實,每套戲都有唔同既描述,唔同既故事,唔同既寫照。我睇戲果時會上網睇下D影評,當中都有好多觀後感提及應該用咩角度去睇果套戲。
好似「魔間傳奇」,上網好多人話唔係動作片,係劇情片。我睇果時就試下用兩種既感覺去睇。講真,如果以動作片黎講,好悶,仲有少少不知所謂,係「生化」既濃縮版。但如果用劇情片去睇,係好睇好多,您地會感受到主角果種孤獨,同埋WILL SMITH真係做得好好,試諗下,成套戲既大部分都係佢自己一個做,仲要當世界得返自己一個,係好難既事,所以,劇情片黎講,呢套戲一流。所以,我唔覺得呢套戲唔好睇,總言之,睇親呢D戲唔好以為「又係喪屍呀?好悶喎..」,咁就梗係悶啦,喪屍戲都拍左好多套啦...套套都差唔多架啦...唔通您想「魔間傳奇」入邊D黑間獵人(喪屍)青打飛機俾您地睇??
所以,每套戲都有唔同既睇法,唔好以為動作片就係動作片,喪屍就係喪屍。

希望各位以後識睇戲,唔好唔識睇戲。
識睇戲就係可以用唔同角度睇一套戲。
唔識睇戲得一種睇法。