打返少少正常D既TOPIC,要明白既係,個個人既價值觀都好唔同,而個個人對於人生價值觀更加唔同。
人生係咩?人生既目的係咩?我自己相信佛教,佛教就提醒我地要解決後生一大事,響死左之後可以去到極樂世界。呢度唔提及到太多宗教既野,因為每個宗教都有唔同既理念。我呢度就要從個人去講,每個人都有唔同既人生意義,有人覺得,平平凡凡過一世就算,搞咁多野做咩呢?有一D人就會認為要令到自己人生有價值就要出名,要有名譽地位。我既童年時代,冇咩點諗過自己既目標係咩,而到左中五會考都未諗到自己要做咩..(但果時鐘意左個女仔,我果時既目標就係要追到佢,當然,最後我都冇講啦,鬼叫自己樣衰咩,但果陣時覺得自己既人生有第一個目標--就係要溝到佢)會考後,自己開始覺得驚,因為我升唔到,就以後見佢唔到,所以就開始想返學校溫書,(但最後我返學校係冇認真溫過一日書,除左臨考世史前一日 ,有半日係認真溫過之外),所以,我到左中五既目標,我既人生目標都係好虛無,好暗淡,甚至係冇。
8月8日,會考放榜,認定自己升唔到,但事實相反,升左。呢度,我再重申,我唔係串,但我覺得我升得上黎,總有d野係要被我知,慢慢開始搵人生既目標,搵返自己既價值取向,由開學搵到去11月尾都未搵到,每日得過且過就算。
直到有一日,呀8哥俾我睇左大時代,一套講股票既電視劇,入面既主角一開頭好頹廢，之後慢慢生性,開始玩股票。係喇!我果時諗到,就玩股票啦,但我只係一個股票既門外漢,咩都唔識,開始問呀哥佢買左d咩,d數又點樣計等等。有少少認識,之後就唔理股票住,我去研究咩係外匯,研究左一排,有最少少既認知,就開始睇財經,直到而家...............當然,我仲未開始玩,但我已經搵到我人生既意義響邊 --股票,外匯 ! 我讀緊文科!so what!???唔讀得金融架,我而家既目標就係要讀金融,出去做part-time,蓄錢買股票,一個非常clear既目標!
上面就係我人生既意義產生經過,每個人都有唔同既故事,但每個故事對佢之後既人生價值取向都好唔到。您地搵到未? 人生價值觀係可以改變,可能您而家鐘意玩,鐘意平平凡凡,但諗深一層,您係咪鐘意平平凡凡既生活,成世為人打工??有冇諗過改變自己既價值觀呢??雖然係好難改,但係如果有一日,有所啟發既話,希望盡自己最大既努力去改變!

在此 , 希望未搵到既要搵 , 搵到既,向住呢個價值觀出發。