接住上一篇既「知心好友」,諗左一諗,我自己認為每個人都有佢既一個好好既友誼 ( 無論係男或女 ) , 有時甚至係有幾個都唔出奇,其實有一個已經幾好,最少可以見到您地既友誼係經得起考驗 , ( 講到好似搞基咁 ), 但唔緊要,咁樣先係叫得做真正既友誼。
升到上中學,有幾個我既知心好友,唔知佢地當唔當我係 = = 嘿,我會逐一打佢地響我認識中既感覺,當然,唔係打佢地壞話。
我響小學六年,知心好友倒有一個,但而家都冇哂聯絡,升到中學,直到中五,最好朋友既就係錦,中一果時成日同佢打架,當我地越黎越大,再都唔會理 D 無謂野,佢讀書越黎越勁,最後仲拎埋獎學金,見住佢由中二越黎越勁,兩個字講哂--天才 !
佢識好多野,我覺得佢對學習有濃烈既興趣,但佢都幾鐘意打下波,而家我鐘意打羽毛球,唔多唔少都受佢影響,佢更鐘意既係搞gag,但唔係爛果種,每一個都好經典,而家講返起都可以笑,唔識佢既以為佢好cool,但唔係 = =,同佢熟左就知佢好好人,好傾得,好玩得。
我諗佢係我一生既最好最好既朋友。

仲有兩三個,遲 d 打 ,不如您地估下邊個先.....