每個人都想有快樂,但每個人既快樂來源都唔同,有d可以黎自錢,有d黎自做自己鐘意做既野,有d黎自朋友,有d黎自家人........好多好多,但點樣先係快樂,點樣先可以得到,我又有唔同既睇法,或者您地睇一睇,睇下您地所諗既係咪同我一樣(十成九都唔係) ..

但快樂係咩黎先?如果唔知點解,又點去得到呢?我覺得快樂係一種真係由心入面呈現出黎既一個狀態,簡直d黎講,係要好真咁樣笑出黎,當然.快樂唔一定要笑,快樂唔一定係要做出黎俾人睇,成日做出黎,有一份造作既感覺,快樂可以自己收埋,又可以同人分享一下,好自由,您地鐘意點就點...

但點樣得到快樂?上面講左,個個人都唔同,一d係錢,一d係家人,一d係朋友等等....先講下第二d野,我睇緊一本書,叫「人生的智慧」,入面有一part講到世界上最慘既人係得閒無事而又冇野做既人,係 ! 講得好岩,您地唔覺得呢d人係好慘既咩?自己好得閒,但成日都係無所事事,就算出下街,玩電腦都係有野做,但佢地唔係,可以講得上係「hea」 ... 呢d人點得到快樂,我就真係唔知.?
但我就想講下我覺得我自己既快樂係點得到

我覺得得到快樂係可以做到自己鐘意做既野 (當然,要理人地感受,太過火唔好做),唔係咩,諗下,有d人鐘意去街,好開心 ! 有d人鐘意食野,好開心!有d人鐘意同女朋友去睇戲食飯,好開心!呢d都係佢地自己想做既野,都係可以做到自己鐘意做既野,其實呢d對於我黎講就叫幸福 , 快樂 !

相比一d較物質主義既人黎講,佢地既快樂係好難得到,因為佢地得到一樣野,就想go on,無休止,但到佢地死果日,帶走左d咩?所以,做人唔好咁物質主義,知到幾時滿足就已經係我地得到快樂既開頭

各位,努力!