唔知大家覺得HKCEE既英文oral點呢?係考緊您d咩呢?考緊您笑容?考緊您既肢體語言?定真係考緊您英文?我覺得考緊前兩者居多,試下一個英文好勁既人,但去到冇笑容,睇下會點,試下一個英文唔係幾好,但成個discussion都「識得笑」,睇下又會點?我覺得後者果個會著數好多,同埋會高分過前面英文勁果個..我覺得用英文講野最好唔好用果d限定詞句,點解唔可以好自由咁用自己想講既字句去回應呢?好多野我都唔明 ,, 所以 ,

我就諗住我蓄夠錢就去考呢個試
-->Trinity ..
唔知大家有冇聽過呢個機構,我中三果時去考,覺得仲好過會考,有兩part俾您報,一個係同個外國人傾計,一個係group discusson(由外國人黎俾分),我中三果時報左前者,覺得只係咁樣傾計仲可以訓練到我地講英文既膽量,之後仲有張證書tim(但果時我太緊張喇,得過passed = =),而家蓄夠錢一定去考多次。

近日上網睇左一個「點樣擺脫港式英文」既一個系列影片,覺得好有用!聽左之後,覺得原來學校既老師大部音都發錯左,所以,我要好俾心機由頭黎過。

下個目標 : 向英文既發音出發 !


(睇完有咩意見俾d回應 , 多謝 ^^’’)