上次打果篇好似係2006年唔知幾多月又唔知幾多日,唔知而家仲有冇好似打得咁瘋狂,話咁快,就過左會考喇(唉 而家望返過去,梗係覺得會考過得快啦,果時都不知幾難捱),今次都唔知升唔升到,如無意外都升唔到架喇,重讀啦,讀ivy對我黎講又係冇用,如果重讀再升唔到,就讀教協架喇。

中四對我黎講係重新認識一班朋友既整個學期,有好多人我都可以識到,當然,當中有 d 好乞人憎,有 d 就好討人喜歡,呢一年開始鐘意讀書,但玩既時間仲多過讀書,中四既暑假就係咁補課,係咁補係咁補,補哂成個暑假,之後就上左中五。

中五就識多左三四個朋友,天泉呀,彭哥呀,浩輝呀等等啦 , 兩個打波就好勁,一個就讀書好勁,各有各專長啦,呢三個都成為我人生既三個朋友,中五要應付會考,捱下捱下就咁過左,好憎自己點解之後考econ開始就好緊張,不過算啦,自己拎黎衰都冇計,會考完就係咁玩,但玩得幾耐呢?因為有三四個月假,更加冇可能真係日日係咁玩,日日係咁玩,自己都過意唔去,所以一有時間就去圖書館借下書睇呀,而家又開始學英文,普通話同日文,好多野做,但我好enjoy,總好過冇野做。

您地可能會問,學得哂咩?得幾個月,我覺得最起碼可以搞得掂d基本野先,冇基本野又點學上去呢....

仲好記得都有幾多人因為唔捨得學校d朋友,響度喊,其實喊咩呢?如果您地係勁好朋友,實會得閒無事約出黎架喇,好似我同錦,德德,天泉等等,都成日約出黎玩架喇,根本喊就冇呢個必要。

成年冇打,太多野想講,要分topic先得~~

(如有任何意見,請給回應,多謝^^’’)