12-Jun-04
今日盛大的歐洲國家盃，　各位波迷，　ＯＬＥ～
一早起身，　少爺仔今日見工，　希望佢順順利利^^
十二點幾出到銅鑼灣同少爺仔一齊買禮物，　由於前幾日已經問左壽星仔要咩
針對Target，　好快買到禮物，　嘻嘻
我同少爺仔都覺得個袋好靚^^

兩點幾返香港仔同Auntie一齊飲茶
茶樓都開始轉型，　電視已經成為我們生活的必需品
今日跑馬，　不過我Off左，　好少機會同少爺仔一齊睇馬，　而且談論馬仔
竟然有我隻土星，　呵呵呵
不過冇買．．．．．．　今日真係不易賭博，　爆冷，　由頭到尾
少爺仔竟然嬴錢^^

返海怡睇醫生，　隻手整左個凍療，　希望快D好番
以為唔可以打機添，　不過冇野係難得到我呢份終生職業^^
夜晚食完飯，　同少爺仔落街買野食
少爺仔剩係買雪糕，　買完雪糕蛋糕，　仲要買雪條，　仲要係百佳買完再去７仔買－~－

最後Sunny係放左我地飛機，　哈哈哈～～～　雪糕蛋糕唯有我地自己食晒啦^^
今晚留係少爺仔屋企睇波，　葡萄牙對希臘
我地全部用葡萄牙過關，　買左$90，　點知第一場就輸晒$90
我地既賭博基金係受到沉重的打擊
幸好，　第二場我地補飛買波膽，　先補番個內傷

我地係間房到玩到跳晒舞，　支持D球隊，　笑死左
睇完波已經天光啦．．．　累