2008最後做的一個節目，就是「我的2008」

還有兩天，2008便完了，我的2008，可以怎樣round up呢？

需先回帶：

牙痛 -- 1月已經發現蛀了智慧牙，痛到呢.....終於都好似忍到成5月先幹掉...

生日想放假  -- 無得放，人地今年生日好鬼特別，想放假慶祝吓啫...都俾個變態女人阻撓，呢件事，相信10年後，我都會同我啲仔女講...

北京旅行 -- 3月，好想去好耐，終於排除萬難，差啲搞到要辭職，都去到，覺得自己好叻！

湖南舞動奇跡 -- 4月，上年已經有我份，今年writer班底換晒...覺得好唏噓...自己仲喺tvb..好變態！

5月 -- 四川大地震，5.12做咗個好大型嘅show，覺得好難得...不過都係希望以後唔好再有機會做呢啲節目喇....

奧運 -- 嘩....4年一度.....大鑊到連續20日返工，得我1個writer做，J201，不過都ok嘅，因為有得睇住奧運，開完廠夜媽媽寫稿，都仲撐得住，証明自己都仲「得」。

狂搵兼職 -- 不斷上網搵part time...兼職帶位，球場助理....咩都寄一餐.！因為夢想2009年新年攞埋雙糧就走人。

年尾，金融海嘯 -- 一個浪冚埋嚟，雖然都唔係好想醒，但係呢個時勢有份工，如果話唔做...我驚會有報應。

stop。

2008，人生，依然是這樣，沒有甚麼變化，遇到的人，遇到的事，有令人失望，有令人心痛，有令人窩心，有令人心跳，有令人感動，有令人狂號，有令人狂笑....

------------

2009，我人生的下半場開始。

自主，念力，改變。