29/07/2006

我今朝起身係嚇醒架, 幾驚遲左起身, k 唔等我自己去左動漫節.....不過我換衫換耐左, 所以出門口打俾k 個時佢話我遲T.T 我地排隊入到去都差唔多四點LU~~~

入到去都幾多人架....我有幾次仲差D 同K 失散左...嚇死我....我今日係有目的咁入黎架, 所以好有計劃架....我地今日排左4 個大攤位, 天下, 東立, MEGA STORE 同玉皇朝....我估夾埋都排左2 個鐘~哈~但係得天下係K 想睇, 其他都係我迫佢陪我排~~

我地仲係佢個stage 個到見到王浩信, 佢真人都幾型呀, 唱歌又好聽~~我企係到聽左一陣架...哈哈~~仲行左個到d 地攤...當然都有象徵式買左d 無聊野~~哈哈

本來K 堅持話冇野要買架, 之後第一個買野個個又係佢... 白痴~佢買左好多高達d 野, 同埋天下個d 劍呀...佢話好靚喎~~我就買左漫畫啦, 其實都係主要幫kwan 買....

行到差唔多8點幾個時, 終於d 人冇咁多, 我可以周圍影相喇....我影左好多相呀, 勁開心呀~~但係可惜係我冇帶dc, 只係用電話影, 真係有d 可惜~行到九點幾就走喇, 累死我~~我地放左d 野係公司, 坐左一陣就走lu~~~ 不過返到公司見到mandy仲係到做緊野...好辛苦呢~~~

我地之後去左對面食野....d 野唔好食, k 個個青檸梳打仲要係難飲....對呢間野真係100 個失望.....夜晚同姿傾電話, 原來佢今日都係去左個間食野....我同佢都係覺得咁難食....真係嘔呀~.~

今日既收獲係大量漫畫, 小量無聊野...同埋忽然愛上王浩信~~哈~今日都唔係用左好多錢jei....今個月...唔會太難過呱~