今日,學校地理考察,地點:長洲
起初的確唔多願意,因為上年11月先去過,而且又唔想浪費所剩無幾既假期,不過,都係去左,o係長洲,沿途睇左好多咩石咩石,然後又去左張保仔洞,第一次見識,相傳以前張保仔寶藏放o係度喎,吹水啦,咁窄點放呀老細,o係洞口見到班o靚仔o係岸邊玩水,好有以前成班上菠蘿山玩既影子,好懷念......隨後去左岸邊既石度坐低抖抖,諗住o係舊石度爬下爬下扮求生,點知行落去既時候跣腳,成個pk,點知仲要有浪衝過黎,成個下身濕左,上返去先發覺兩個腳重傷損晒...呢鋪都算柒,開年呀!
然後,臨走前有少少free time,去左以前行過既地方影相,還記得深夜四處蕩,等日出,踩單車,人疊人...
講真,感覺不同,但懷念仍在,當天既我地,今日已經四散,冇可能完完整整再一齊
新聞台以前亦曾有過一篇關於當日的文章,但卻一次大清洗而沒有了,今日再記下,讓我想想,笑笑